July 10 - ??, 200?
經過生日病呢個慘痛既經歷後，以後真係要小心身體，畢竟朋友始終唔同屋企人。
講係咁講。
當然而家識得著多件衫，不過繼續日夜顫倒。
o係香港同大陸買左好多碟過黎，大家當然唔會放過。
返到黎睇左幾套戲，最齊人就係睇Frequency，有兩個膽基本上唔駛提，另外Winson,Maggie同Queenie都過埋「我間房」一齊睇。
好得意既一套戲，郭晉安套「隔世追兇」算抄得幾好。
云云咁多碟中，重點係Naruto。
真係好正，實在係忍唔住不停咁煲，而且係煲到第二朝落去食埋早餐先訓。
有時o係我屋企睇，有時就o係「我間房」。
點解可以咁顫？
家樂氏香甜粟米片真係好好食，不過未完全好番，唔敢食凍野，唯有食麵包。
雖則係日夜顫倒，不過食早餐呢個動作實在係健康既表現。
我地三個真係有問題，一餐早餐可以由８點食到１１點，個pet pet好似‘chi’住左唔識起身咁。
顫左．．．
文章定位：
