June 30, July 1, 2004
終於都到左羅湖。
'dun'左成個幾鐘先到常平。以前明明唔駛咁耐．．．
返屋企之前先做正經野﹣﹣食野同買碟！
求其入左間餐廳，真係超平．．．3個人先食左30蚊．．．質素一般喇，係個豬腸粉SHIT爆，原全唔知佢想點law．．．
之後就去左買碟。
上黎都係諗住掃動畫DVD，目標係龍珠、Naruto同味吉陽一。前者輕易咁K.O.左，後者就只得核突VCD。至於Naruto就淨返盒拆過既，我驚係退貨所以無要，新既聽日先返，另一間又貴成70%，我無信心講價，所以就放棄左。
Too bad~
另外買左幾套碟就走喇，好失望．．．之後就搭「的士」返屋企。
呢d係咪叫的士呢？貨van咁面且係實價唔係跳錶。
Anyway,返到去循例要攪一大輪，要放20分鐘水先用得，點知個煤氣爐撻唔著，打電話求救又打唔通．．．
我係水人，飲少啖都無呼天搶地，更何況大陸咁熱．．．
最後唯有落街買水。成點幾居然仲有士多開住，我真係命不該絕！！
好奇怪，支支飲品個日子都過期，之前見到係咁所以無買，個女人話係製造日期，大佬呀日期係今日喎！！一定係今日製造啦咁．．．唔好玩啦阿嬸！！
之後買左兩大支未過期既水，都好似唔係好可靠咁，不過無計．．．
hea得黎都差唔多夠鐘開波喇～GOOD!!~
文章定位：
