June 30, July 1, 2004
上個禮拜返唔成大陸，今次突然成行。
話說我阿哥同阿嫂1號放假，咁佢地本來諗住去澳門既，但係30號同2號要返工，計落唔係好抵，所以最後決定返大陸。
本來Daddy同Mommy都返，不過臨時話好熱唔上。咁計埋我就淨返3個。
因為要等佢兩個放工，所以我出左旺角買d野先。
星期六就走，但我仲有好多野未買，呢兩日仲要返埋大陸，所以要用盡d時間。
o係旺電買左個Card-Reader，本來諗住買埋手指同CD-R，不過無理由拎埋返大陸，所以都係返黎先買。
買左野口同學同埋永澤同學o個款蛋，真係正爆！！另外又買左龍珠Kubrick Part4其中一款悟空。
一直以黎我都係成set咁買，唯獨今次散買。
無計，而家讀書無收入，走之前d錢又過晒俾Mommy．．．極度後悔中．．．
計埋之前PIXAR套蛋，今次返黎只係買左好少玩具．．．
SHIT!!
以後d錢真係要留返自己洗！！屋企人都係咁話！！唔通咁大個人仲要攤大手版？？雖則話o個d錢係我自己搵．．．
之後就約埋阿哥阿嫂一齊搭火車。
好耐無搭過，以前都無乜點搭，好陌生。
文章定位：
