June 25, 2004
呢場世紀大戰ng睇實在對唔住自己。
上屆世界盃，英格蘭依然係我既第二最愛。
不過唔知幾時開始，唔再鍾意呢隊波。事實艾力臣執教後，我覺得佢地係打得好左。
究竟點解我唔再鍾意呢？？
因為呢場波，我開始愛上葡撻兵團。
本來去尖咀睇，點知我張Neway coupon 唔o岩用，所以又一次過左灣仔。
本來去到等，點知我搭到北角先話尾班車開左．．．攪錯呀？？無野呀？？低能架？？
返柴灣仲有車，唯有搭返魚則魚涌join埋威威同Chloe．．．佢兩個當然係盡情咁笑喇．．．SHIT!!!!
一開波奧雲就整野怪腳，真係俾佢嚇左一野，以為黎料喇，點知that's it.
跟住朗尼傷出，真慘．．．
場波真係鋒迴路轉。換走費高我唔係好明，雖然佢呢場無料到，但應該未至於換走佢。Anyway史高拉利真係勁．．．
雷哥整球靚波扳平，真係靚爆！！
場波打完加時踼十二碼，真係估佢唔到．．．
碧咸爭住射第一球．．．結果笑爆咀～～點解可以上左８樓既？？
點知雷哥又唔爭氣，本來加時球靚波或者多少幫到佢爭正選，唉．．．
最後榮耀全歸Ricardo！！徒手救波再即刻入波，佢真係度過．．．勁！！！
走o個陣繼續係同威威由灣仔行上北角搭601，d時間永遠都係o岩o岩好！！
文章定位：
