自開學這三個多月來, 我都過著繁忙的生活. 除了忙功課讀書之外, 補習, 學長計劃典禮, 聯絡學長, 考IELTS, 九月初又想考MPF, (溫左大部份notes, 可能遲d報考番先), 去突破做義工, 十一月時又幫暑期part-time 老闆做左1 個月替工, 搞到星期六,日都好唔得閒, 不過Hermen 真係幾好人, 對我好好, 所以盡量幫下佢, 所以我成日都好眼訓.
我最開心莫過於到突破做義工, 由10月頭到12月23日, 我每個星期二, 有時星期四都會去突破青年村, 幫研究組做電話訪問, 關於香港年青人對社會看法的調查, 每晚要做3小時, 都幾辛苦, 尢其我成日都好累. 雖然成日俾人cut線, 但有時都遇到一些有趣事情架, 我試過打去管理處, 街市, 麵包店等等, 但我地既target 只是住宅的年青人. 不過, 我係突破個3 小時有時都好頑皮, 有時周圍走走, 同其他義工談幾句, 所以我係突破認識了很多朋友仔, 每次離開我地都會三五成群下山, 有講有笑, 所有疲累和怨氣都一掃而空, 辛苦左3個月都值得, 這班義工朋友個個都好好人, 我會盡力同他們保持聯絡, 希望間中有些 Re-U 就好喇……12月30日就係這個計劃的畢業禮, 到時可以玩繩網(最愛這些活動)和收到證書, 幾威呀~到時一定要影大合照.
其實這幾個月, 我都經歷了一些不開心的事情和衝擊, 對學業, 對前路(我所讀我所做是為了自己, 抑或為了別人? 這些都是我所嚮往? 我既career goal 係d咩? 我既理想係唔係可以達到?) 我開始懷疑自己的能力, 開始擔心自己畢業後的路向, 再加上身邊一些突如其來的事情和屬靈生活的考驗等等, 種種問題有時令我好煩惱. 不過,我總愛說”冇問題, 總會搞得掂”, 因為我深信最艱難的日子巳經過去, 困難的事情, 至少神與我同在, 祂必聆聽我的禱告, 還有我的好朋友呢~
我的人生方程式:
信心 + 希望 + 愛(神的愛, 家人的愛, 朋友的愛) = 動力
聖誕節快樂呀! 願你們每一個都平安快樂.
今年平安夜沒有同教會的弟兄姊妹報佳音, 而選擇陪好朋友去看電影
<<地下鐵>>, 因為遲多一個星期她就要忙功課又要上班, 大家更少機會出來見面.
下篇再深入分享我更多的感受.
文章定位：
