無無聊聊又一day 不定期update 大城中一兩三件小小事 無聊事

0愛的鼓勵 0訂閱站台

11月10日 陽光普照

火爆仔又出動 令次目標係和記電話 亦即係3
話說上個月我走左去和記開台
咁佢話要等三日先可以用 我同時亦都申請左留言信箱、漫遊同埋信用咭過數
之後有一個應該係新黎的工作人員幫我埴form
呢個哥哥仔好明顯係乜都唔清楚
每填一項都要問身邊的人 又要印身份證又要寫信用咭
搞左一輪終於完成

之後過左三日 用唔到喎
咁又打電話去 佢話我個舊台我問題 我話冇問題架喎
咁佢又話幫我再做過 又要等多兩日
兩日後用到電話喇

但用左之後發現冇左留言信箱
咁就走去問 個姐姐話我冇證記 同我打左個電話去話過兩日用得
過左兩日 仍然都係冇 之後又走去問 迫佢同我用佢公司電腦登記
又過左兩日 終於都有留言信箱 但阿珊又話個信箱唔俾佢留言
咁又走多去一次 終於搞掂~~有一個正常的留言信箱

一個星期後無啦啦收到封信 要我打電話確認住址...
如果七日內唔確認就會CUT我線
上台時哥哥仔完全無提過住址證明呢樣野喎
咁我就打電話去確認啦
電話仍然打得通 我都唔鬼理佢

之後過左一個月 月結的日子
明明申請左信用咭過數 但咭數單沒有轉賬
反而收到一張郵寄賬單叫我去交錢
再一次去門市部詢問 肥哥哥話搞左轉賬 可以唔理張單
咁我我疑惑 如果唔駛我交 佢寄張單黎做乜 如果我交左 咁咪要俾兩次月費??
直至而家 我仍然未收過任何的轉賬咭數單 好奇怪
但電話打到...我亦唔理佢

接著上個星期 我返大陸旅行
發現電話一直未能找到網絡 好明顯我的漫遊服務仍然未開通
之後返左香港 今日再去門市問
阿姐姐話我沒有漫遊 我就話我開台時申請左
阿姐姐又即刻話 我係有申請 但因為我無住址證明 所以唔打得~~
"吓 我打左電話去架喎"
"打電話去唔得架 要親身去登記 如果唔係我地唔會自動幫你做"
"咁你又唔早d講..."
"我而家幫你打去登記啦"
"係咪得架 我上次留言信箱搞左好多次先得喎"
之後阿姐姐就唔理我 等我同電話入邊的姐姐講...

咁多件事中 最不滿係一d指示都冇
每一次都要上門問佢先會同你講 打左電話都唔一定得~
或者係開台的哥哥仔唔識規舉 做少左野
其實我唔係好介意佢做野慢 但佢應該做足所有程序
如果有緊要事就唔得佢死...



今時今日咁o既服務態度係唔得架........鬧爆你!!