瘋語童路 瘋言瘋語記低童年走過的路。 【瘋語童路】是也~~~

215愛的鼓勵 0訂閱站台

今日有大件事發生, 就係家姐參加o既毅行者今日就開始喇, 一連三日o既活動, 真係好大陣容。

四位毅行者包括yoko, 阿城, 阿陸同佩殷, 佢地早o係半年前就已經開始練習o家喇, 又去行山啦, 又去跑步啦。
毅行者wor, 真係唔講得少, 100 kilo, 好鬼有挑戰性, 我自己都想行埋一份, 可惜太遲啦~~

今日四位毅行者都請晒假, 因為佢地兩點幾就正式出發, 而support team 今晚都正式做第一站o既工作。
其實到放學都未知有冇得去, 因為聽佢地講好似好多人去, 咁就唔知夠唔夠車坐, 到最尾阿tam 架車仲有位, 所以我地就去馬喇。

首先阿tam 車o左我返屋企換衫先, 之後返o左學校幫手執野, 執完我地就去o左食飯, 食完飯michael 就去接阿mag, 我地就返學校等嘉嘉同阿偉。
阿偉遲o左少少, 所以我地盡量休息, 阿tam 就訓鬼埋, 梗係啦, 一陣佢仲要渣車o家, 有得訓就訓下喇, 如果唔係我地四個人o既命仔就凍過水喇~~

阿偉黎到喇, 咁我地就出發lu。 阿tam 唔識路, 所以就跟住michael 行, 行o左好一段路咁就到喇。
之前聽阿蘇講話會兩邊都泊晒車, 今日o既情況真係咁, 我地都搵o左一陣位。 最後我都泊o左o係個停車場度, 遠就遠o左d, 不過有位都已經好好o家喇。

停低之後, 我地就預備d 物品喇, 有野食啦, 有水啦, 有個人用品等等等等, 阿mag 仲煲埋糖水tim!!
我地執齊野之後就行先, 摩西同阿mag 就煲埋糖水先過黎。

過到去, 好好彩有個靚位, 落o左腳之後, 可以做o既就係等等同埋等喇。 摩西佢地都過埋黎, 我就過埋去出口果度迎接四位毅行者。
等o左好一段時間, 咁o岩又撞到阿陸d friend, 咁就一齊等啦, 不過唔係過多好耐佢地就黎到喇, 當然受到熱烈o既歡迎啦~~

我地過番去落腳點, 咁就俾d 物資佢地, 又有人幫佢地按摩, 又有好多野食, 不過佢地睇黎唔係太餓。
阿蘇都黎埋, 佢地休息o左35 分鐘咁就再出發喇, 阿偉同阿蘇就做部行者。

佢地走o左, 我地support team 又要做野喇, 就係食埋d 野去喇, 食完之後就執野走人lu。
走果陣我地幾個都死晒咁, 可憐阿tam 仲要渣咁耐車, 返到屋企都成兩點喇, 聽日仲要攪步行籌款tim!!

待續...

5/11/2004 風四字