24h購物| | PChome| 登入
2004-08-03 11:37:53| 人氣32| 回應0 | 上一篇 | 下一篇

元朗盃 2004 (一)

推薦 0 收藏 0 轉貼0 訂閱站台

點解話咁快又到元朗盃o既呢?? 前年我打元朗盃, 都仲係打緊天翔, 而家就唔同晒喇, 咩都變晒, 冇變o既, 就係元朗盃都係o係暑假攪。

今日打五點幾, 所以我地約四點去到, 去之前同kamen 行o左陣市中心, 本來係想睇排球鞋同拖鞋o既, 點知鞋就睇唔到, 俾我地見到有mizuno o既野賣!!
唉, 俾我睇到仲邊到肯放有呢?! 佢d 衫褲全部都有折, 我就係咁睇, 係咁話底, 係咁唔捨得放低。

睇o左好一陣子之後, 咁就想買佢一件衫, 好似幾舒服咁, 點知kamen 見到有風褸賣, 我就即刻放番低件衫喇~~
風褸呀, 我想買好耐o家喇, 不過次次睇親都成三百蚊, 真係買唔起, 今次有七折咁多, 二百一ja, 仲要o岩我身tim, 更加唔捨得放低!!

左睇右睇, 最尾想買埋條褲, 一套好靚嘛, 可惜冇我size!! 所以都係only 買o左件風褸~~ 不過都勁開心o家喇 ^^

行完街我就要去元朗喇, 去果陣撞到呂巫。 去到, 例排都係見到好多排球人啦, 有d 識, 有d 唔識, 有d 好熟o既隊, 有d 唔知咩隊, 我就唔知我地要對咩隊, 因為搵唔到賽程~~
我地之前果場係雷隊打, 佢地輸o左一場, 之後贏番一場, 可惜都係出唔到線。

到我地喇, 都冇咩時間熱身~~ 其實我今次比較驚我博頭, 佢都未好番晒, 所以我驚開唔到波, 要開下手咪勁樣衰?!
好彩熱身果陣都ok, 都仲開到扣球式 ^^

今日對果隊唔係好強, 其實係好弱, 所以冇咩難度, 好快攪掂第一局, 第二局阿棋set, 我都冇咩所謂喇, 可能入o左化境.....哈哈哈哈~~
第二局對面仲樣衰, 所以大比數, 我就提佢地換下人, alan 同阿業黎到, 冇理由咁都唔俾佢地落場打下o既~~

原本想俾阿業上前排打下, 點知阿水換o左自己出黎, 攪到最尾阿業都冇得殺一球波, 可惜可惜~~
贏o左一場, 可惜唔係今日打埋另一場啦, 如果唔係下week 就唔駛黎喇~~
今日好開心, 唔係因為贏波, 而係因為自己o既傷好番d 喇, 開到波喇, 唔駛煩喇!!!!!

打完比賽, 走人, 又過了一個排球英雄會~~ 下week 再見 ^^

PS: 大件事呀, 今日八月一號呀!! 就係...搭小巴開始要帶安全帶喇, 哈哈哈哈!

1/8/2004 風四字

我要檢舉
台長： 風四
人氣(32) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文