今日睇到好多人都寫咗d好感慨既文章...
搞到連我都想寫番篇...
琴日我媽同我講電話時話...40日後見...
係呀...40日...原來40日後我就番去了...時間真係過得好快...唔知係快樂不知時日過...定係傷心不知時日過呢...?
話咁快...我就黎咗li度咁耐了...
記得當初自己一個人踏上飛機...頭也不回地飛往加拿大...
俾我既感覺係終於"放監"啦...終於飛咗出去...遠離束縛...
但當我到達既時候...卻發現事情唔係咁簡單架...
雖然仍然係自己一間房...但個種感覺好唔同...好陌生...好孤獨...
搞到我連一日都住唔落去...就去咗我姑姐度避難...
等到開學前...我先番黎...但發現大家都各自有屬於自己既圈子...
好彩仲可以同澳門d女仔坐埋一齊蔗...不過後尾冇了...原因係:佢地唔口岩我~
到了第一日番英文既時候...就要做poster啦...仲要即堂交...
搞到我個fd下午走堂唔番...而個日...亦奠定咗另一件事...
個日...我同"佢"相遇了...第一日番學...我當然唔習慣...
所以張poster...我同"佢"同組...差唔多都係佢整...第一印象:幾好~
之後...我個fd成日都唔番...我唯有自動去識我班d人...
咁就識咗我大哥~ 佢好好人架...仲教識我好多野...
隨著時間...我同我地班d人越黎越熟...上堂上得好開心...
到咗有一日...有新生黎咗...加入我地班...我一眼就睇到我二哥(好高)
其實可以話我一野睇中佢...不過後尾知佢好鍾意我二嫂...我又唔係好鍾意佢d性格...就冇諗lu...
或者只係鍾意佢既外形呱...其實都冇話真係鍾意既...不過個陣我好主動架...呵呵~
其實...個陣係我心入面...一直都有一張名單...一張男友後選名單...
而"佢"...一直係名單之一...到後來知佢原來有女朋友...先tick除咗"佢"...
或者真係好似俗語所講"要黎既始終要黎...避都避唔到"啦...
其實我地既友誼只係建立係幫"佢"請假之上...再也沒其他...
或者係我地開始做比較好既朋友既一剎...就注定咗我同"佢"既一切...
亦係我同"佢"一切既序幕...
自此...佢佔咗我大部份既時間...成為我往後日子既主要課程...
我...曾經為"佢"煩惱...曾經被"佢"感動...曾經為"佢"心動...亦曾經為"佢"心痛過...
或者...我同"佢"仲未可以真正放低大家..."佢"既猶豫不決...悠游寡斷...我既所謂理智...
苦咗既...苦了我...苦了"佢"自己...亦同時苦了那個"她"...
而這一切...只能由我黎結束...既然係如此難作出選擇...我只好幫"佢"選了...而我選既當然唔會係自己...
講真...黎到li到...我俾男仔影響咗唔少...我哥...我d fd...仲有"佢"...
而家我會以微笑對待所有係li度發生既事~ (盡量啦~)
這一切一切...都會記係我心中...就似一個奇幻旅程...(我冇賣S.H.E.既廣告架~)
P.S. 個個"佢"...相信大家都知道係邊個...咁我就唔多講啦~ 呵呵
文章定位：
