打開有鋪癮, 又講下自已先
我考完高考之後, 我就同阿花, 王先生去左馬會個招聘會樹睇下有無人請我.
好順利啦, 有人請架係. 鬼咩, d友仔真係可以亂答野架
好似人地問佢, 如果個客打來電話投注, 係咁媽叉你, 你會點?
有人話會叫個客唔好睹$, 咁上下啦…痴線, 唔睹就唔打來啦, 有病!
好順理成章, 排左一日, 我地三個都畀人請左架係…
於是乎我地就等等等….等training喇~
去到training既前一日, cfood打來同我講, 佢姨媽間公司請人喎, 做電腦野…
於是乎就當然話好啦, 人工點都高d喎……個position點都好聽d~~
好衰唔衰, 個interview就約左響我第一日training果日, 好彩時間無撞.
於是果日我一早就仆去荔枝角度interview……
去到, 除左我之外仲有一個後生仔 in, 一見到佢…哇…牛記笠記, in小販咩?人地個staff問佢有無帶d咩文件, 佢走去問 “有咩文件要帶架??”, 果下我心裡都已經有數….
In既過程都算順利丫, 11點半到in完, 2:30要入到去沙田馬場. 我等等等, 點半先依依不捨咁起程入沙田, 兩點半先死死地氣熄電話. 因為如果佢打來話請我, 我就連train都慳番架喇~~~
入到去個training center, 好宏偉架真係都…一排排機好長咁…仲好凍冷氣…老實講, d”同事”真係無咩邊個似人, 反而d group leader就好好, 不過就黑口黑面咁…
捱捱捱, 捱左唔知幾多個鐘, 一枝雪條咁出番來…….電話忽然響( 因為響training center 樹係收唔到電話的)…..一聽, 原來佢地真係請左我….就係咁, 我就做左安泰既 employee 喇, 亦都再無返馬會既training course喇….
同期同我一齊去排隊既王先生就唔知第三定四堂就畀人”西”左出來, 花就做到今年今日…….
Profile :
Company :
Edward Wong Garment Co. Ltd. 安泰成衣有限公司
Address :
15/F, Edward Wong Tower,
110 Cheung Sha Wan Rd. Kln, Hong Kong.
Department :
Knitted Wear Dept. 針織部
Position :
Temp. Asst. Merchandiser 臨時助理採購員
Working Time :
(Mon – Fri) 0900 – 1800, (Sat) 0900 – 1300
(No extra payment for OT working) ß 寫到明….真陰公
**打到哩個位, 我部野無啦啦reboot….好彩有auto save….一額汗
第一日返工, 咩都唔識, 好蠢, 成隻白痴仔咁.又狂做錯野
第二日返工, 四個鐘入面要寄好多份parcel , 每一份都要做export clarification…
D野又唔識…做錯左又要做過….遲晒….搞到UPS既叔叔黑口黑面….黑口黑面
頭一個星期幾乎日日都係咁, 好唔開心….曾經有想話辭左份工佢….不過好彩都無…因為一來覺得好可惜, 二來因為有唔少人都叫我撐下去…
事後證明, 我係無錯的, 因為做落去都真係好開心…一來真係學到好多有關garment既野…二來又搵到錢…三來又識到d朋友仔.
其實返工d濕碎野真係好難講
我揀幾樣來講啦~~
1/我果位有部iMac, 另一個同事個位就有一部G4 Cube + 15” Apple cinema display. 真係好開心哩….日日用Mac…開心到不得了…但同時亦都明白, Mac真係好好用, 但要同PC夾來做野, 始終有d難度.
2/因為做Garment都一定有好多Sample, 當季尾走晒貨之後, d Sample好多都無咩用架喇, 我個頭頭畀我拎左幾件走哩….幾開心架, 好鬼死似當年老豆響長江打工時成日拎d版畀我地著咁.
3/公司入面有好多既是是非非, 會響你不知不覺之間出現, 小心d呀打office工真係要….如果唔係畀人響背後插死左都唔知咩事~~~
4/不嬲都知利豐上左市好鬼勁, 但果日上佢地旗下一間公司先見識到….靚到丫, 大到丫…. 個lobby有我間公司一層咁大!!!仲有人幫你開門…就好似半島個bell boy咁
5/識到以前PolyUSU個幹事miyuki (講真我都唔知佢咩position), 因為佢做左我同事, 坐我右邊, 唔係佢同另一個叫Michael 既同事陪我吹下水, 講下衰野……悶死呀真係會.
6/我明明係做summer job之嘛, 都要人長褲有領咁…辛苦死, 所以逢sat就會拎對拖返去放工換!!!
7/隔幾日就會有個人來陪我食lunch, 好鬼開心…. :D
就係咁, 哩份工我就做左2個月, 剛剛好2個月, 做到jupas放榜前一日就last day.
果晚, 我個上司同左我地成team人去左海逸食buffet, 哈哈!!真係幾開心架~~~
我響EW打工時, 真係”舔”左好多次鑊, 但佢地個個都無鬧我…次次都係教番我, even剛剛好大火咁嘈完d廠都好…都唔會鬧我…真係好好人….
所以我好多謝佢地每一個….
Ronica, Carol, Michael, Men, Miyuki, Candy, Clara, Eva等等
多謝晒唷~~~
文章定位：
