新聞| | PChome| 登入
2003-02-09 17:27:16| 人氣50| 回應0 | 上一篇 | 下一篇

小思老師

推薦 0 收藏 0 轉貼0 訂閱站台

前排無線播過一套野叫”情常在”, 入面其中一集係講前香港中文大學中文系教授盧瑋鑾教授(亦即係小思老師, 因為佢既筆名就係叫小思)既故事, 不過上次我miss左, 覺得勁可惜, 搵極都唔見有得睇. 不過, 前日我知無線會響星期六果晚番做, 我真係勁開心, 於是我就特登都要碌返屋企睇喇!~

雖然入面無咩好轟轟烈烈既事蹟, 不過小思老師佢每一句既說話都令我覺得好感動, 可能係因為小思老師好人性化, 畀到我一種好親切既感覺.

佢話, 我地香港人認為埋沒左既自已情感先係好. 不過小思老師就話, 咁樣人就會變得冷漠, 變得無左動力, 佢話”情”係佢做好多野既原動力, 包括教學既工作. 我對哩句說話有好深體會架. 因為我記得我響中七第一次既中文短講, 就係以差不多既提材做主旨(你地可以響下面d新聞都搵, 篇野叫”眼淺”), 而家d人真係好鐘意將自已既惰感埋沒, 唔再去表達出來. 的確, 無左個心既溝通方法係好唔人性化, 令到人與人之間好疏離……

另外, 套野入面亦都請左佢既一d學生上去講, 佢地同小思老師之間同埋小思老師同佢既老師------唐君毅先生既一份情誼. 我作為一個學生, 我真係好尊敬果d拎個心出來教學生既老師. 佢地教曉學生既, 除左係課本上既知識之外, 更加重要既, 係教佢地長大成人, 點樣去獨立, 點樣去”道以人傳” ,同埋教曉學生們做人既道理. 的確, 一個良師會真係令一個學生改變好多……甚至係個學生以後所走既道路. 所以, 節目入面, 小思老師話 : “十年樹木, 百年樹人, 樹木其實好易架咋……不過樹人真係好難”講得真係好o岩, 教育真係一門好高深, 好重責任既學問.

下個星期六仲有一集既情常在, 係小思老師專訪既下集……一定一定要睇埋佢!
15/02/2003星期六 22:30無線電視翡翠台

我要檢舉
台長： 哇!~
人氣(50) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文