好火呀真係!><
話說今日, 我做好晒成年既newspaper cutting畀隻鬼佬. (Total我地全年要交10份, 我就本身交左3份, 即係今日就一次過清埋另外既7份.) 由於我本身個newspaper cutting既folder就仲響佢度, 所以佢今日一拎疊folder過來physics lab, 就同佢講, “我地做晒全年喇, 要交…”佢先係示意我地拎出去畀佢. 我就去搵番我果個folder, 先疊番晒全部做一疊, 先行出門口度畀佢.
一見到佢, 我就見佢同唔知光頭仔同班長仔傾緊野, 我開頭都諗住等, 但佢無啦啦伸手示意我畀份野佢, 我就梗係畀完就走架啦. 點知佢無啦啦話就叫返我轉頭話有野同我講喎. 一出到去就兇我, 又話唔一定係無交野先至會出warning letter, 又話我playing games with him. 我開頭都一頭霧水, 話我交3份cutting就當係交晒全年既……搞左一輪先知原來佢只係識得響cover page上面搵功課, 唔識得響用隻手掀開個folder, 用眼去望下入面有幾多份既.
好啦, 咁就幫佢啦, 佢又發老脾, 話我先頭無禮貌……咩事呀??原來佢話, 我開頭一畀左個folder佢就走, 唔留低同佢”聯誼”下好無禮貌. 我就話, 你同光頭講緊野, 我梗係唔會stay響度等啦……”佢就答我佢果時就講完, 好應該(should)留響度等等佢, 大佬呀, 我鬼知係幾時想點咩, 又唔出聲. 宜家又響度開火嘈我! 仲過份既係, 條友根本就響度砌我生豬肉, 話我臨走時串左佢一野先掉頭走, 但我明明無喎! 同佢講就好串咁講左一聲 ”Oooops! I am sorry, you didn’t say that!” 頂丫 . /.
正當我仲諗緊點用英文同佢講野既時候, 哩條咁既X街竟然開口窒我, 話我點解講英文講到口窒窒. 我頂佢個肺丫, 英文係你mother language, 你梗係講得好過我架喎! 如果我唔畀面你呀, 就用廣東話小完你先算啦下話! 果下已經好火, 我就問佢一句, 我宜家就入去寫埋d日期畀你啦一係……好唔好?我睥一睥我就話”No! I have a lesson right now, I cannot wait you!”痴線!我就講左聲thank you就無理佢, 入返Physics lab. 佢追入來, 好惡咁話我個態度唔好. 所以2個人就響Physics lab嘈起上來. 其實我已經唔起得左我果下自已講過d咩, 因為真係好火!!!!我只係記得我last一句係”我大聲唔代表我無禮貌!” 之後佢行番出去, 唔知去左邊. 我就將份放左響佢檯面就算.
講真, 我今次真係火得好緊要, 我同佢Physics lab都唔係話要拎咩彩. 我覺得佢真係好離譜喎, 教英文既竟然走去窒個學生d英文唔掂, 佢無野呀嘛?
簡直就係痴線……我英文唔掂丫嘛?!我A-Level一定最少要考條E返來!!! . /.
文章定位：
