心靈告示板 在人來人往的走廊上 告示一塊一塊的豎立著 人一日復一日的走過 眼一次又一次的掃過 可是 又有多少人會停下來 細嚼版上的東西呢?

141愛的鼓勵 0訂閱站台

今日係港大既Open Day. 我朝早去左廣華之後我就搭小巴過去. 一上車, 我就見到有六條八婆不斷咁叫囂, 騷動, 呻吟……對成車既乘客來講簡直就係一種既折磨! 好喇, 當架車去到港大左近既時候, 佢地其中一個就好驚訝咁話”死喇, 我唔識嗌落車架喎…”講真, 有幾死丫……唔駛六個一齊驚嘆呀嘛? 之後, 我嗌左一聲”黃克兢樓有落”, 佢地六個又一齊投以驚訝既眼神……救命……你叫我日日對住哩六隻野, 真係人都癲……>
到之後, 我先後咁同阿王生啦, 花啦, 仲有cfood會合. 我地去左莊月明果間美心果度吃野. 嘩真係好多人, 多得好離譜呀真係. 我估佢成年最好生意就係open day果一日. 跟住我地就開始我地既狩獵. 首先既係Science既科先. 響biology度, 有一個講野好得意既姐姐仔招呼我地. 佢……真係好得意架, 得意到我完全唔識形容! 而Physics果邊就有一位好熱心解釋既哥哥仔, 真係好詳盡, 令我對Physics明白左好多好多. 順手我地都去左BBA果邊睇過下, d姐姐仔真係好得唷~ >﹏<

去工程學院之前, 我地經過左幾間hall既攤位. 好串呀覺得佢地, 完全無人理我地, 個個都掛住溝女…….-__-! 響左近我地見到有一幅747既jet engine, 大家見到都嘩左一聲, 型!無野講! 入到去學生會(即係Engineering既地頭), 我地好開心咁發現左, 原來有一科我都可以讀, 無Pure Maths.都可以讀! 好感動~~

響陸佑堂, 我已經唔記得我既經歷喇…..因為我遇到一樣好震撼既事. 如果讀緊哩篇野既你, 係我果時培正既書友, 唔知你地記唔記得邊個叫M仔胡振邦. 你地又知唔知佢會考之後去左邊??好多人都只係知佢去左花旗國…不過, 原來佢返左來呀, 宜家仲要響HKU讀緊BBA!!!!!!無錯, 哩條友係考左4條A, 但拔尖都唔輪到佢啦, HKU最少都要7A, 咁究竟點解佢可以讀緊HKU哩??真係好想好想知呀……想當年佢同我地一齊傻更更響老培發神經, 宜家去左一年美國就可以讀緊HKU…..我真係唔可以唔寫一個服字畀M仔……

總之, 直到我宜家打緊哩篇野既時候, 我都仲係驚魂未定……!