新聞| | PChome| 登入
2002-10-04 12:12:24| 人氣39| 回應0 | 上一篇 | 下一篇

pc61202 report duty, Sir!

推薦 0 收藏 0 轉貼0 訂閱站台

今日, 阿雄雄又拎左佢部數碼相雞返來學校. 我又手痕問佢拎來玩, 好正呀佢果部雞, 搞到我想整部玩下添……如果可以平d就好喇!

宜家哩個missy上中化堂真係好正, 開頭仲等我怕會悶親添! 開心得來又可以學到野. 真係好正架! 最抵死係呀翟生, 又再一次咁畀missy扮細細聲同佢講佢所知既野係錯既~~哈哈, 好丫, 挫挫佢銳氣都好, 等佢咁多野講丫拿~~嘿嘿~

話說呀文海其實不嬲都有語言障礙架喇. 今日我地下晝唔知講開咩, 呀文海無啦啦又話自已係督察, 點知就死左響哩兩個字果度, 一講就講左”篤殺”……仲要係好大聲果隻, 我頂丫……真係笑死我……我地就自不然同佢行晒禮咁啦. 於是乎, 我地班就出左2個差佬, 一個係光頭, 無花無柴. 另一個就係督殺文海. 可以騎住光頭. 亦都係因為咁, 我就覺得跟住果堂PE堂就好似”黃竹坑校友會足球友誼賽”咁. 最頂癮係我地同呀督殺行禮果時, 我地班果六圍檯又笑笑口咁, 以為我地同佢行禮, 食屎啦!~淨係得你叫阿sir呀~? [pc61202 report duty, sir!]

上完PE堂, 我地就緊係換衫架喇, 雖然, 我無份上PE堂, 不過宜家都好興入埋去更衣室到玩, 今次, 我地既目標鎖定左響阿興身上, 不過佢就學左呀光頭果招快刀斬亂麻, 攪到我地都埋唔到佢身. 之後, 好似係翟生一聲令下, 眾人就衝左埋去呀王生果度盅呀王生……嘿嘿, 上得出多終遇虎呀!!我都幫你唔到, 唯有幫翟生佢地啦.

不過今日發生左樣野, 真係令人髮指呀! 事緣其實都係因為阿雄雄果部相雞, 阿妖見到佢響度訓晏覺, 就淨淨雞咁拎左部雞去影佢. 點知, 阿妖竟然影左d”春光”返來, 笑到我地死……講真丫, MioMio, 阿妖佢擺明唔放你在眼內呀!! 如果我係阿Mio就真係盅佢喇!!

PS : 我琴晚真係好累, 所以reply晒d留言之後就無出到新聞, 留番今日先出. 好似漏左d野, 如果大家起得, 講番我知, 我加返入去!

我要檢舉
台長： 哇!~
人氣(39) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文