放完四日假, 又有得番學喇終於. 我亦都有d野可以寫出來交功課. 哈哈.
今日十月二日, 又係我地班中七理既表現既日子, 早響今日響上晝, 我地就已經填定晒紙仔, 寫定今日下晝大家會吃d咩. 就好似上次咁啦, 我地又係外賣麥記. 今次好好呀, 果幾個麥記叔叔同姨姨有得搭車, 唔駛再好似上次咁要行上來, 我地都無咁尷尬……~_~!其實本來我地可以準時開餐架, 不過我衰, 我無用, 我竟然連放飯時間都記錯, 由1200記左做1220, 唉, 令大家要捱餓, 真係sorry呀!><
去到下晝, 我地就坐晒響度睇波啦緊係. 今次我地就係對中六文, 一出場, 我見到果個”感情內閣”既肥仔幹事已經覺得唔係咁舒服, 樣樣衰衰咁, 成棚煙屎牙既學生會幹事都真係幾少見. 好喇, 開波啦, 開頭都無咩野既, 係見住中六文佢地下下都將個波踢到三,四樓咁高. 我地心諗, 踢咁高托杉咩. 個龍響G/F唔係響3/F架. 晝個響三樓畀你好唔好??
我地去到咁上下就開始覺得其實中六文果班友其實幾狼, 點知話口未完, 就有事發生. 中六文佢地果個臥底, 唔知做咩事, 隻死人腳一野伸到上文海個頭咁高, 文海都算啦諗住, 只係行開少少, 點知果條臥底一野將隻死人腳放響文海膊頭上面, 文海就自不然火啦, 咪一野撥開臥底隻腳咯, 咁佢就跌左落地喇. 嘩, 頂佢個肺丫, 幾x惡呀即刻, 想打人咁. 明明就係佢自已錯先既. 之後果條煙屎牙幹事仲碌埋過來, 大聲夾惡咁. 以為夠兇就得. 打波咋, 唔x係打人呀!
好彩文海都唔弱, 一開罰球唔夠半分鐘, 就即刻入番佢地一粒, 算叫係打個和.
其實之後仲零零星星發生左好多類似既野, 例如阿光頭呀, 聰呀果d咁都畀人陰下陰下就kick低左. 呀雄雄有一野見條友跌低左, 雖然唔關事, 雄雄都禮貌上伸手拎番起佢啦, 幾串呀, 眼尾都唔望一下雄雄. 擺明就搞事.真係畀果班x街吹脹. 之後, 文海有一野剷波, 果隻臥底食住個勢成個人飛起, 好戲到丫. 跟住咁碌過來想打晒人咁, 好彩呀光頭, 呀鵬果d頂住果條臥底……條友都癲既!之後呀booluu就再幫我地入多一粒, 拆果班x街d牙, 咁x串丫拿, 咪又係輸2粒.
去到踢完之後, 我地去扔左d麥記啦諗住. 見到果隻煙屎牙幹事坐響covered playground度扯晒大氣扮晒好火咁, 收皮啦, 扮晒大佬咁. 成班friend圍住以為自已好x型, 型過劈屎咋!
順手一題既係, 有2條友不時都睥睥貢, 好似想食左我地咁. 喂, 無法架喎, 你地自已屎波就收啦, 仲要咁x茅, 抵你畀人柴台架喎. 脾兩野就怕你?!怕你毛都未出齊呀!
文海, 做得好呀!我地班一定撐恆你!
文章定位：
