首先, 我地有2個人生日, 雖然唔係正日, 但由於都係今日慶祝既關係
所以我響度向阿橙同大面sir講聲生日快樂 :D
(其實一返學呀黑仔就已經問我地有無方法可以”同大面食飯”….XDDD)
中午時, 本來我就約左阿鵬同阿橙佢地一齊吃飯慶祝. 點知, 大夥兒響lobby(?)等既時候, 先知阿鵬哥仔又唔來. 好啦, 於是我地就上去樂華大排檔同阿橙食飯. 上上下, 我地見到阿mio佢地一夥人, 咁就一齊行上去啦. 當我地行到差不多上頂之際, 有人提議con阿橙落條燈柱果度. 哈哈, 於是乎咪夾手夾腳搬起佢咯. 不過好可惜, 今次我地con又係唔成功.
去到大排檔, 既然大家都一齊咯, 咪一齊坐咯. 嘩, 都未試過咁大埋人架. 數下手指仔, 有成17個人. 都只係果三百幾蚊, 每人請埋壽星佬, 都係20.3到, 抵丫, 起碼都幾開心呀!^^不過我發覺, 下次如果無咁大張圓檯, 千祈唔好再一齊坐, 分2檯丫一定要. 因為如果好似今日咁, 一條長檯咁坐, 真係完全夾唔到”送”.~_~!
行番落去既時候, 我地好熱烈咁討論, 究竟佢係唔係鐘意左阿Mio. 而我地都一致認為……係,佢係鐘意左阿Mio. 點解?
中秋打畀光頭問MioMio響邊為咩丫?為左阿Mio.
無啦啦問黑仔係唔係同MioMio一齊為咩丫?為左阿Mio.
問埋文海同一個問題又係為咩丫?都係為左阿Mio.
返到去, 見到7A vs 6S(好似係, 都唔理喇), 我地勁支持7A呀今次, 為左佢打晒氣咁. 仲玩埋我響觀功第一次見既人浪添.型呀. 期間, 阿碧心出現拉票, 一股海參潮又再掀起! 今次係暫時來講最大聲既……:D
入到Phy. Lab. 我地既focus又放番響阿Mio身上. 我地一路講, 阿Mio已經非常既徬徨. 點知, 就響哩個時候, 女主角出現喇!!!
佢以一股狂風掃落葉既姿態, 首先問我地發生咩事, 做咩圍住呀Mio咁. 之後由於我地都為左阿Mio而守口如瓶. 佢就將視線放落呀Mio到, 直接問阿MioMio做咩.阿Mio礙於矜持, 佢無答到. 但我地已經笑死. 一見打鐘, 阿Mio就為左上堂, 一支箭咁標左出去.竟然, 佢跟住出去喎, 仲一路叫[Mio咩事呀Mio….. 唔好走呀…]
嘩嘩嘩……我地就進入左忘我既狀態, 係咁拍檯. 哈哈哈哈哈
場面真係勁壯觀, 如果有Cam真係拍低佢上網播呀. :D
另外,今日呀光頭勁慘, 畀我地好多個人一齊圍攻. 勁成功呀今次. 光頭幾乎畀我地con到架喇, 只係差少少. 下次一定得!!!! (鳴謝阿Mio一腳伸落去佢”胯下”:D)
下晝第一堂係吉堂, 阿光頭手晝左張野畀呀大面Sir. 老實講勁唔掂. 但都係心意丫. 點知阿大面上堂收到勁多野講之餘, 隻手仲作嫌棄狀. 真係想盅佢!
哈哈~~唔寫喇, 食飯….勁開心!
文章定位：
