新聞| | PChome| 登入
2002-09-22 14:06:14| 人氣100| 回應0 | 上一篇 | 下一篇

眼淺

推薦 0 收藏 0 轉貼0 訂閱站台

有好多人同我講, 話自已好眼淺, 覺得自已好無用.

以前, 我都會好認同, 認為[少少眼淚都忍唔到, 唔掂!]
又或者覺得流眼淚等於係好軟弱既表現.

但係而家……Not really!

喊, 可以有好多種

可以係好軟弱既喊 – 男人老狗畀人話幾句, 就週圍同人講, 一路講一路喊, 喊到fee lee fat let, 我覺得咁係非常唔掂架

可以係好堅強既喊 – 就好似我地果時阿林怪獸畀我地激親, 佢喊. 但係喊得好型, 唔會出聲, d眼淚一滴一滴咁流落來, d女仔畀紙佢, 話唔要就唔要, 仲要一路喊一路鬧我地. 哩d就叫型喇!

但哩2種都唔係我想講既野.

好多時我地見到聽到感受到一d野時, 會忽然間好感觸. 可能係因為自已既過去, 又或者果d既事對自已既心智有好大既衝擊. 有唔少人都會因為咁, 而眼紅紅, 眼濕濕, 又或者甚至會喊左出來. 不過, 當事人就可能會覺得, [搞錯呀, 好”瘂”自已呀, 點解少少野都喊喎!?]. 見到其他人經歷過同樣既事之後唔喊, 佢地會覺得佢地好型, 好羡慕.

但係, 我就唔係咁睇喇. 我認為, 喊只係一個人真情流露既表現, 只係反映你內心對某件事既反應, 可能係好感動又或者係好傷心. 絕對唔應該引以為恥, 反而應該驕傲先係. 點解??因為你可以大大聲聲同人講, [我係人, 我有感情, 人心肉做喊有幾奇?] 難道, 你地要去到對所有野都麻木晒, 對咩都無晒feeling既地步先開心?

喊唔係問題, 為左你地自已既心智, 唔好再去壓抑自已, 應該好好咁去享受一下身為人, 有能力去以喊來表達感情既天賦!

[我係人, 我有感情, 人心肉做喊有幾奇?]

幅圖雖然用過, 但好得意, 所以用多次:)

我要檢舉
台長： 哇!~
人氣(100) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文