新聞| | PChome| 登入
2002-09-18 18:54:49| 人氣24| 回應0 | 上一篇 | 下一篇

給xHeart的一封留言

推薦 0 收藏 0 轉貼0 訂閱站台

xHeart

我去過你個台望過, 本來想留響你個留言板既, 不過, 我想多d人睇見, 所以我當係一則既新聞, 留響自己個台度.

你有一則新聞話, 睇完我個新聞台之後, 覺得自已好細路, 好唔鐘意. 其實, 我都曾,經同你講過, 一個人點去思想, 其實都會有好處. 唔會一面倒既壞. 就好似係你咁, 諗野細細個, 我幾乎可以肯定, 你一定會畀我開心. 思想單純一點, 諗既野無咁長遠既話, 做起事來會無咁多掣肘, creative會多一點, 咁難道又唔係好事~?
你唔好再一咪咁去因為自已細路女而唔開心喇, 你應該積極d, 做多d唔同類型既野, 咁係可以幫助你搵到自已既長處之餘, 亦都可以係畀自已既一種訓練. 做得多, 你自自然然就會成熟架喇. 思想, 係要訓練既, 得閒時可以去睇多d人地既野, 訓練下自已既思維, 久而久之, 你就可以架喇.
By the way, 根據你個台果d野, 其實你都算係識諗架喇!
**去海邊諗野係好正的, 唔開心去一流

而你既另一篇新聞.我都有野想講下
好記得上一年我剛剛來勸功讀中六, 計埋我, 一共有六個培正同學一齊來. 有其一個就唔知咩解啦, 無同我地五個or我地理科班既人一齊, 反而自已一個過左去文科班發展. 好喇, 過左一段時間, 我地五個就同自已果班既人混熟左, 開開心心咁. 但係反觀果位一開波就閉關既同學仔就慘咯, 文理班都好似唔多理佢咁, 到宜家都一直係咁. 我想講既係, 如果你開心既, 又係咁讀, 唔開心既又係咁讀, 何苦要同自已作對, 揀條唔開心既路哩?人與人既相處其實唔係咁難, d人咁鐘意BB仔, 其中一個原因就係因為BB仔幾乎對住任何人都會笑, 你見佢笑, 你就開心, 你就會逗佢玩. 人與人就係一個咁簡單既”反饋作用”(feedback), 只要你肯踏出第一步, 唔好封閉自已, 咁離成功就會不遠喇~

哇!~

我要檢舉
台長： 哇!~
人氣(24) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文