16/09/2002仲有氣畀你抖
今日, 我地班係發生左d大事架, 我相信大家都感受到~:D
好彩, 今日阿missy chan無話要殺左我咁, 只係叫我做番個announcement就得喇.因為落雨既關係啦, 今日唔駛早會, 成個操場空蕩蕩, 同呀劉sir兩丁友企響校服處門口講野, 成個傻佬咁. ~__~! 不過聽佢地講返, 好似宣佈得唔係咁好.
我地發現PE堂除左可以鍛練體魄之外, 仲可以學到好多野. 就好似今日咁, 我地知道好學生應該不怕風雨, 話知你天氣點都好, 都係應該繼續你既課堂既! 而觀功更加係少數可以提供足夠條件可以實現哩種”毅力訓練”既中學. 就係因為有人一句 [我地學校係無菅雨唔上堂既!!!] 就令阿mio佢地成班都為之驚訝, 甘願臣服於佢既腳(胯?!)下. 就連同校長好熟, 有hotline召喚校長既朦朦都敢怒不敢言, 可見佢既說話係既咁一言九鼎!
小息, 可以話係全日高潮既序幕.
上半節我地一齊響Phy. Lab.入面食上星期用佢錢買既野食, 成班友嘻嘻哈哈, 不亦樂乎, 阿朦朦話, 不如夾錢輪流買日日食. 我就覺得唔係幾好喇(投左一票反對票). 日日食就悶啦講真, 間唔中一餐先會開心的~跟住我都唔記得點解喇, 阿翟生燎起左我地, 響是就成班人拎起左佢來con, 咁講真佢又係抵既. 亦都因為係咁, 阿mio先可以甩難, 如果唔係…..嘿嘿~! 之後下半節, 張戰敗書又無啦啦浦頭. 成班就起晒哄咁衝左上7A既home rm., 成班友”he he hur hur”咁捉住7A既戰俘, 要佢地手執戰敗書影相, 嘿嘿! 無法啦, 柯明, 阿敏, 阿鵬仲有阿”實仇”社長, 唉.~
[**相遲下就有, 到時我會再edit哩份新聞架喇~]
完全係可以體現到我地7S果種團結既feel精神架.
Lunch time就癲咯. 食完飯, 我都唔記得之前咩事喇, 見到阿mio響度做Chem. Lab. Report, 咁我地自自然就手痕架啦. 咪一野幫佢(.)(.)撻車咯, 一扭匙, 嘩, 佢副引擎立刻工作, 發出都唔知幾多匹既馬力追來. 咁我就緊係走架啦, 好彩都叫走得甩. 點知呀黑仔過左無耐同我講, 話叫我睇下我個包包, 原來佢地挾持住我個包包, 話要浸死佢喎. 咁就梗係返去救佢啦! 一入到去, 即刻立架生, 救番佢先啦(好彩無事), 點知呀琨哩條死剷就掉轉槍頭喎, 煽動佢地來扭匙…..嘩…..眼見光頭凌空跳起, 成隻速龍咁. 好彩, 都力保不失.不過我好唔明, 點解佢地連背脊都唔放過, 大佬呀, 睇清楚丫, 睇到唔睇亂咁隊, 唔得架….唉…. ︶__︶
好正啦總之今日成個feel, 大家又好似團結左咁. 一直都係咁, 今年一定好開心~:D
畀心機唷~~~
文章定位：
