今日係首次進入Palace IFC欣賞電影，豪華的真皮座椅再加上寬敞的空間不會頂住雙腳，睇戲可以話係好適合。
最後武士一整套片由男人主導，如果不計較被殺的女人和村婦，整片就只有女主角一人有得出場同有正式對白，不過女主角就好鬼似陳寶蓮=.=” …之但係都幾搶鏡。
成套片都充滿真男人，簡直係一流，又著重舞刀弄劍，服飾同道具都好靚，完全係好岩我呀！兩個半鐘節奏緊湊之餘亦唔算有悶場，而且不乏笑位緩衝，結局就如同戲名一樣，Tom Cruise最後冇事，冇錯，成套戲最後得佢一個冇事，其他就…嘿嘿…
被提名奧斯卡的渡邊謙演技確係好正，不過都唔知點解被提名，應該係太有男人味喇，哈哈哈！
不過最精彩係完左成套戲，散場時見到黃秋生同佢老婆(應該實係)，原來我地係睇埋同一套戲，最屎忽係我地四個人居然一齊冇帶相機，可惜可惜~~
文章定位：
