１２／１１／２０２２＠＊～Ｅｔｈａｎ’Ｓ　Ｌｉｆｅ～＊

2022-11-13 09:20:32| 人氣830| 回應0 | 上一篇 | 下一篇

今日終於可以同阿仔正式見到面喇，事因佢本身9月o既生日飯就延至今日～！！

所以今日都特別安排左兩場唔同飯局去慶生，都係以往年一樣分做上下半場~！！

上半場就約左12:00pm出去荃灣會合，事因我地會先去一間特式火鍋店食野~！！

呢到裝修就非常之有舊式宮廷中國風呀，而且ｄ野食亦都係出名非常之唔錯～！！

呢個時間都係先交流一下大家近月生活事宜啦，當然我地都會關心下大家工作～！！

好多問題大家都明白係好難解決或者改變，不過都聽下對方講下同睇下有冇改變方法~？！

至於中段時間就去左沙田行左一陣啦，事因我想睇下衫褲o既size同埋物色下新眼鏡～！！

最終都係返到元朗再睇多幾間先搵到想要o既款，同時呢個時間亦都要去準備買外賣啦~？！

至於下段就返去阿仔屋企繼續慶祝，事因我地仲要加埋新抱仔同埋孫仔一齊聚下嘛～！！

不過孫仔就因為太眼瞓o既關係而去左覺覺豬,當然我地都會同埋新抱仔吹下水喇～！！

同樣地大家都係會咩都傾下講下笑下，而且我地都會一齊計劃定下個月慶祝聖誕節嚕～！！

當然蛋糕同埋許願環節都梗係唔少得啦，不過人大左就係越o黎越傾向簡單化喇～！！

最緊要就係有心人依然仲o係自己身邊，至於呢d人生話題都係大家好有共鳴o既事喇～！！

我要檢舉

台長：Ｅｔｈａｎ～

人氣(830) | 回應(0)| 推薦 (1)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 199愛的鼓勵 0訂閱站台