＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日又再度應約出左去荃灣，事因我又聯同Phoebe及Jacky去行街呀～！！
今次佢地就因為想去行宜家傢俬，所以咪揀左去呢到會合行下食下野囉～！！

其實佢地上段就約左朋友拎野，所以我都係下午時間先出去會合佢地～！！
而且佢地前期一直為租屋問題搞左一輪，今日就同我講終於都落實左地方～！！

稍後時間佢地就會搬過去新屋到住，不過為期就估計係租住一年先啦～！！
所以今日咪繼續行街睇下有咩適合新屋用，諗住睇定添置左就擺過去用嘛～！！

其實呢期大家都見面見得好密下，所以佢地每星期都基本上有野更新下～？！
不過今次圍埋就冇咩太特別野去傾，主打都係講下新屋同埋生活上o既事宜～！！

至於旅行計劃方面依然安排於年底，但係可唔可以落實就仲要睇下大家ｄ假～？！
而其他家族成員上面o既事宜就冇咩點傾，反而係大家都諗緊司欣個經濟問題～？！
畢竟佢宜家都係家庭經濟支柱，但佢又一直都好想快ｄ搵到個合適o既另一半嚕～？！
而我地就傾過以佢現階段o既問題唔解決下，其實就有好多限制去改變到現狀～！！

行完左荃灣之後都差唔多夠鐘晚飯，而我地原定諗住落去黃金海岸到食野啦～！！
不過最終因為天氣太差關係而改返入屯門，因為去到又影唔到相又冇地方避雨～？！
我地幾個都一直諗緊今年仲有咩活動可能搞下，不過仲要等埋司欣先可以再夾～！！