＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

忽然容易又一年，至於今年對我同身邊人都係唔易行o既一年～！！
事因今年都有好多唔同事情發生當中大家都經歷左唔少起起跌跌～！！

年初時間一如以往比較平靜，因為每年年頭活動其實都真係唔多啦～！！
至於今年頭炮活動主力就係出席頒獎典禮，事因我地都要去撐下Fred場～！！
同時司欣o既生日亦正式為今年聚會打響第一炮，所以大家都叫做有聚下～！！

及後時間主力就要忙於開解身邊人，事因阿仔頭三個月表現一直都有所反覆～？！
出道左咁耐o既佢本年就真係比較平平，加上Phoeb同Jacky又出現唔少問題～！！
所以我同司欣o係呢段時間都多左陪左Phoebe，同時亦有向Jacky了解其中～！！

由於年初時間自己仍然因為身邊問題，所以我都仲係處於休假中o既狀態啦～！！
不過呢段時間就先後睇左唔少音樂show，當中就梗係包括左唔少音樂會啦～！！
至於農曆新年期間當然亦有同身邊人會面，其中就梗係有家族成員同其他朋友～！！

除左最常見o既Phoebe同Jacky之外，今年年初亦有同其他家族成員會面過～！！
畢竟宜家已經唔似以前咁會經歷有聚會，所以我近年都會習慣同佢地分散約會～！！
加上年頭時間肥豆又因為結婚請左我做司儀，所以呢排都會忙住要去幫佢做準備～？！

至於去到第二季時間主打繼續係Fred，事因我要幫忙籌備一個大至Gathering～！！
加上好多零星飯局同埋生日飯局需要出席，所以呢段時間就回歸盡量見下大家先啦～！！
始終上年年底至今年年中都會擺多左時間落Fans Club，所以朋友約會就打散左～！！
 
而第二個生日年度飯局當然就係Phoebe啦，呢轉就難得約左一班比較核心成員到場～！！
至於另外一邊華表哥o既生日飯局就緊隨其後，忙完生日之後就接到Tracy婚訊喇～！！
呢次關於佢再婚一事都出現左唔少新聞囉，當然最終成事而有份出席o既人就真係極少～！！

趁住自己仲未需要正式復工之前，我亦有同屈姐、Tina、Issac同阿Ming約見過呀～？！
雖則呢幾個單位o既朋友今年都唔算好常見，但話題方面其實都算係比較多o架喇～！！
至於往年一直都好少出現o既朋友，今年亦都有曾經出現過一兩轉見面傾下計啦～！！

其實自從我上年踏入左Fred圈之後，當中都已經認識左唔少新o既朋友o架喇～！！
同時亦因為呢一個圈而令我得更多，除左新朋友之外當然就係同偶像近距離接觸啦～！！
至於年中時間當然就到我生日啦，所以一場接一場o既飯局就o係呢個時間開始喇～！！

而o係年初時間表現一直平平o既阿仔，幸好去到年中時間就開始叫做有回升喇～！！
當然佢今年亦好似上年咁開左兩場幫我慶生，過左我之後終於到左去Camp時間～！！
雖然今次去Camp過程中出現左少少相處上問題，但整體而言都係覺得開心嚕～！！

到左下半年時間當然繼續要忙碌啦，除左返工o既忙就梗係仲有生活上o既忙碌啦～！！
因為下半年會有兩個重點演唱會要睇，而呢兩次演唱會當然就係Fred同Joey喇～！！
踏入第三季時間除左要忙於去睇演唱會之外，另一重頭戲當然就係阿仔年度生日啦～！！
 
今年好多人都話係捱住咁去過呢一年，當然佢自己亦都因為本年度o既經歷而失落過～！！
由於我今年年度旅行同阿仔生日飯局好接近，所以好多準備功夫就要事先搞好晒～！！
同時因為今年係阿仔出道十二周年，所以我地兩仔爺就特登去度身訂造左兩套禮服～！！

其實今年除左去左一轉釜山同首爾旅行之外，另一個短線出外遊當然亦都好好玩～！！
事因呢次我就拍住司欣同Phoebe及Jacky去左轉澳門，而大家主打都係為左hea遊～！！
 
回想返呢一年裡面好多大大小小節日都有阿仔陪住，年底o既聖誕節當然就唔會少左佢～！！
今年度最後一個演唱會就同華哥佢地一齊去回味，無奈近呢個時間始終都係有事發生～？！
本年度從未現身過o既『愛人』出現之時，竟然就係佢女女過左身而想我搵阿仔幫忙呀～！？

至於有關聖誕節活動方面除左有阿仔之外，當然Phoebe同Jacky都係唔少得o既伴啦～？！
其實呢個聖誕節雖然過得比較簡單，當中仲有就係屈妹同屈姐都有趁機約我見面或外出～！！
 
總括呢一年自己都經歷左好多事情，當中都有唔少苦或者不快需要靠自己繼續撐落去啦～？！
上年一度計劃過想開音樂會o既自己，正正就係因為呢年身邊經常出問題而需要延期～？！
不過阿仔亦就住呢方面o既事宜特意為我安排左一樣野，就係年底時間去左錄音室錄音～！！
雖然自己唔係正式歌手又冇錄音o既經驗，但係呢次o既經歷對我而言真係既開心又難忘～！？


2015年度十大熱播歌曲