吹時有份耍花槍＠自體實驗｜PChome Online 個人新聞台

2006-06-10 16:06:46| 人氣117| 回應0 | 上一篇 | 下一篇

吹時有份耍花槍

推薦 0 收藏 0 轉貼0 訂閱站台

朋友女一個電話，索索眼淚鼻涕，心都軟埋。
朋友女話要分手，其實明知佢今次只係同男朋友耍花槍，結果一定係大團圓結局，但係我都明白當局者迷呢個道理，每次嗌分手都一定以為分硬手，心情一定會跌落谷底乜都做唔到。
好，吹時撐你！黎我屋企避避風頭，吹時借d溫暖比你又點話。

事情一如我所料，男方打黎，吹時房成戰場，男方越鬧越大聲越鬧越過份。
我話得撐你，唔會比機會人蝦你，一手搶電話，以有限既邏輯，壓住火爆，手震住黎同佢講道理。
吹時好少同人正面駁火，因為吹時從來講野都唔得流利，所以都有返一定份量既心理壓力，手都震埋。雖則手震，但應付呢個缺乏邏輯用仆街黎鬧自己女朋友既男人，吹時顯得卓卓有餘，最後男方不敵，掛我線。

頂你個肺，呢個世界無幾多人敢掛我線，even我d男朋友。
好，既然頭先忍住唔火爆，朋友女又唔捨得，廢事佢難做我忍埋你！

結果又再如我所料，男方終歸打返黎，向我say sorry and then睇埋朋友女sweetsweet個講電話衰樣，唉. . . . . .做女人點解要做到咁無骨氣. . . . . .

結論：
1. 姊妹們，分手的確係對付男朋友既花招，但係請唔好隨便用又或者打無把握既仗，到最後嗌分手又係你，打電話去求復合又係你，吹時覺得唔抵幫既就係呢part。嗌得出分手，就絕對唔可以主動求復合，若然你要咁做，只係大舉剝弱自己既籌碼，以後你點嗌分手，對方都唔會再中你計架。
得喇得喇，唔捨得丫嗎，就算係都唔好一嗌完分手唔夠一個轉頭就即打返去好無？過多一個星期我都無咁嬲丫！
請做一個有骨氣的女人。

2. 請戴眼識男朋友，搵個鬧女朋友做仆街同屎忽鬼既，比佢鬧完仲要留戀既，咁無骨氣，我點撐你都撐唔起啦。

3. 耍花槍請選擇適合既時機，畢業風頭火勢生死存亡之際，是絕不適合撩起任何事端的。

感想：
好耐無男人同我耍花槍喇，多謝你兩條友係百忙之中比我呢個參與耍花槍既機會，咁又耍左一日去咯。
或者我既老姑婆之路就係由我呢d骨氣鋪出黎，不過我愛我自己比起以自尊黎換隻低智能雄性動物愛自己，實牙實齒得多囉。

我要檢舉

#耍花槍遊戲

台長：吹時

人氣(117) | 回應(0)| 推薦 (0)| 收藏 (0)| 轉寄
全站分類: 男女話題(愛情、男女、交友) | 個人分類: 八婆仔偉論 |
此分類下一篇:從別人身上看見自己
此分類上一篇:優雅地肉酸

回應(0)