自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

復活節假後第一日返學，功課做到甩甩漏漏，鬼咩，成個假係度又玩又飲又食又睇電視，真係唔知點解咁快就過左一個星期，又要返學。

正當我諗住著件低胸d既衫等亞sir唔洗鬧得咁凶狠，有哂心理準備之際，亞sir話派返上次交果份portfolio。
哇，好耐世紀之前交既野黎喇喎，不過派唔派都住所謂啦，我間房無掟擺. . . . . .
佢叫我地自己去佢個位度羅，仲話個個portfo袋都黑色，分唔到要自己搵搵。

但係我一揀就揀中左自己果個，真係唔知點解咁神奇，可能真係心靈感應呀同自己個portfo，又可能因為我實在比左好多時間落去排，所以同佢已經產生左感情掛，不過貪新忘舊既我，交左之後掛住忙其他野就已經即刻唔記得佢ru~

羅返之後亞sir叫我地逐個見話比返d意見，要改既可以改，改好左好既就可以upgrade個分咁話喎。
到我見果時，懶神秘咁比我睇「拿吹時，我比呢個分你。」

我見到一個正階英文字母A字，後面無加減乘除符號，個格格入面係得一個正大階A。

「真係好野，真係做得好好，我教咁多學生，係得你一個我搵唔到任何問題，零瑕疵，點解可以做得咁好既呢？蝦. . . . . . . 」
我坐左係度，好唔自在又唔知點咁，見佢又好似無乜叫我可以走既準備，我繼續唔知點咁坐係度。
「蝦. . . 你睇你睇，如果有好多份portfo擺係度比我揀，我一定請你。」佢又拿住返野由頭到尾睇一次。
「多謝. . . . . . . 」

「蝦，點解你呢份可以做得咁好，但係本論文又搞成咁架？！」
「下. . . . . . . . . . . . . . . . . . . . . . . . . . . . . . . . 」
「我我諗係時間問題姐，我要比返多d時間落去跟返進度先得. . . . . .」
佢所講果個論文集即係我而家寫緊果篇論文將會造成果本書既排版，我仲摶老命咁寫緊，邊鬼度得閒搞佢本書丫. . . 比心機寫好入面先啦. . . . . . .

「蝦. . . . . . . . 」又拿住係咁睇，仲未有放我走既打算咁。終於我坐左係佢面前半個鐘，大部份時間佢沉醉係份portfo度，唔肯遊返出黎。

呢個亞sir就係咁，佢要讚你真係讚到你上天都得，仲要讚極都讚唔夠，唔肯係天度放返你落黎。
但係佢份人就天真到死，覺得我地既功課好似可以三兩下手腳就做完，尤其唔理其他科既進度，同佢果科已經出現天崩地裂既唔協調現象？乜係耶魯畢業既人都可以係咁架？

「好快做完姐. . . . . . .」
「下. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 」




返屋企既途中，我渣住呢個裝住正大階A既portfolio係條街度行，d開心先至慢慢咁由個心度化出黎。
原來自從我失火之後，我真係無自己真真正正咁?過個一A喇，有A都一係就同人group work，一係失火前做左，到失火後先至派返返黎，再唔係就因為我未失火之前係學校既好學生印象，吊住我d A-同B＋，但係都買少見少. . . . . .

其實我做呢份野既時候，我係有返想做既感覺，唔係死蛇爛(虫善)吊住半條命咁唔願做地做。
今次係我失火後真真正正實牙實齒，唔係輔碌，羅到個A。


注：出唔到手字邊果個(手羅)字，羅住先。