自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

衰貓帶住離開煮魚人既傷痛,繼續係城市中遊歷。

唔知係咪心情唔靚既關係,每一步都咁沉重,體力就好似依附係衰貓既腳印,由衰貓既身體,一點一點咁印乾。
自戀既衰貓經過一架好可愛既黑色小車,停低腳步,慣性地望一望望黑色車身反映出黎自己既身影。
驚覺自己殘樣,不禁又想暗自淚垂. . . . . . 唉. . . . . .
以?自己倒影既後面,原來有個唔快樂既小男孩坐左係路邊。
見到個睇落唔係幾開心既o靚仔,衰貓又無聊地坐左埋去佢隔離。
可能係物以類聚既永恆定律啦,又或者可能係同是天涯淪落人啦,兩隻唔快樂既動物,就係咁樣開始佢地既友誼喇。

衰貓開始撩小男孩玩,小男孩開頭都羞羞怯怯,但係衰貓總有佢既辦法討人歡喜既,尤其寂寞既人就更容易,小男孩同衰貓,由開頭兩舊冷冰冰既路邊雜物,變成兩隻玩得好開心既傻仔+傻貓,只不過係一瞬間既景象。

玩到?左,兩隻野就坐埋一邊攤抖攤抖一番,小男孩開始同衰貓傾偈。
原來小男孩唔開心既原因,係因為得唔到一件佢想要既玩具,衰貓乖乖咁坐係佢隔離聽佢講野。
間唔中,衰貓只可以以佢有限既方法黎示以安慰,但係小男孩都已經好開心喇。
每日,小男孩同衰貓開始有個約會,就係返呢條路上。

就咁過左一段日子. . . . . .
轉眼,又到左日落西山要回家既時候,小男孩想邀請衰貓跟佢返屋企,成為佢既寵物。
衰貓一開始既反應係好開心,都好想跟佢返屋企從此安居樂業,但係過左幾秒,衰貓木無表情掉頭就朝相反方向走. . . . . .
衰貓明白自己唔應該跟小男孩走。

小男孩同衰貓係就係好岩玩,但係生活係現實既,現實係殘酷既。
小男孩仲係小男孩,連自己都未照顧到,點照顧埋厭尖聲悶既衰貓丫. . . . .
小男孩仲細,好多事都唔明或者唔識處理,同埋最重要既係,衰貓係想跟一個可以令佢真正信服既主人,佢唔想跟一個需要佢擔心既主人。

都話無名錯名架啦~要馴服衰貓唔係咁容易。
衰貓有返咁上下自戀,就會有返咁上下要求,佢寧願自己一個流落街頭,都唔想跟一個佢唔稱心滿意既主人。
小男孩見到衰貓唔理佢,一手扯衰貓條貓尾唔比佢走。
“喵!!!!!!!!!!!!”衰貓真係好痛呀!!!眼水都標埋!!!
衰貓心生一計,利抓一出,係小男孩手背上抓出一道血痕,小男孩即刻縮手. . . . . .
衰貓襯小男孩放手既控檔即時逃走,誰不知,小男孩竟然係路邊執起小石掉衰貓. . . . . .

衰貓加快腳步同時,更加証明衰貓唔接受成為小男孩既寵物,係絕對正確既選擇。
小男孩愛既只係佢自己,佢只係想得到佢想要既野。
如果衰貓成為佢既寵物,都只不過係一隻活生生既玩具,而唔係全心全意去愛鍚衰貓,如果唔係,小男孩點會因為要保護自己小小既自尊,惱羞成怒,用石頭掉衰貓丫. . . . . .

衰貓含住包又忿怒又遺憾又悲傷既眼淚,越走越遠. . . . . .
點解佢會忍心用石頭掉佢既好朋友呢. . . . . .
點解難得一段美好既友誼,點解唔好地地做對好朋友呢. . . . . .
點解拎個心出黎做朋友,會換黎咁既下場呢. . . . . .
點解呢. . . . . .