開始非衰貓生活＠自體實驗｜PChome Online 個人新聞台

2005-07-06 19:58:40| 人氣116| 回應0 | 上一篇 | 下一篇

開始非衰貓生活

推薦 0 收藏 0 轉貼0 訂閱站台

一切都來得太快,太突然喇. . . . . . .
衰貓就咁就有個新主人. . . . . . .
可能衰貓過住流浪貓既生活太耐,太渴望過幸福既新生活啦,一切決定都太快. . .太快. . .
某程度上,衰貓同煮魚人係溝通到,係搵到心靈既交點,但係其實仲有太多太多既野忽略左. . . . .
例如現實生活習慣、相處方式、溝通技巧等等. . . . . .
當衰貓跟左煮魚人返屋企,接觸呢個心靈同埋身體既落腳地,發覺一切都係好陌生,咁呢層當然啦!去一個未去過既地方梗係陌生格!
衰貓需要好大勇氣去習慣同適應新生活,因為已經再唔係自己一隻貓喇,同埋唔係個個主人都會好似傻佬咁愛貓成狂,所以衰貓都知道自己將會有一段日子係好難挨。
但係衰貓都會嘗試去配合新主人,而衰貓都希望新主人可以適當咁配合自己,大家一齊努力配合對方,畢竟都再唔係自己一個既生活。

衰貓好在意新主人既所以反應、動靜,好驚新主人會嫌棄自己,所以反而更加唔自然,木木獨獨咁,唔敢比任何反應情緒表情動作。
真係唔講你唔知,其實衰貓好怕羞. . . . . .
當衰貓怕羞既時候,就會好似而家咁木木獨獨,好似一舊冰咁。
其他人睇,就以為衰貓懶cool咁,其實衰貓只不過係怕羞咋,尤其係自己在意既人面前就更加添. . . . . .

新主人同衰貓既相處,就係因為咁樣,已經遇到第一個難題。
第二個難題,就係衰貓其實完全唔了解新主人,於是,就開始嘗試去了解煮魚人。
但係衰貓發現,原來煮魚人係收得自己好埋既人,比人睇既野一切都只係好表面,煮魚人將自己保護得好好,好好。
加上煮魚人其實係一個都幾忙既人,每日衰貓都係屋入面等煮魚人得閒理下自己果一刻。
衰貓開始覺得好唔開心,因為自己就好似屋企入面既一件識郁既裝飾品又或者好似煮魚人既一件收藏品咁,閒時先至會把玩兩下,又放返低。

衰貓開始懷疑自己係煮魚人心目中既價值. . . . . .
就係咁,衰貓每日個腦都開始不停咁轉,一時懷疑煮魚人係咪真心對自己,一時又幫煮魚人搵藉口。每日每時每刻都埳入沉思當中,甚至係煮魚人面前亦然。
煮魚人都話衰貓點解唔理人,又冷冰冰咁,關係就係咁一路惡化落去. . . . . .

我要檢舉

#衰貓STORY

台長：吹時

人氣(116) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 衰貓story |
此分類下一篇:結束非衰貓生活
此分類上一篇:衰貓重遇傻佬

回應(0)