衰貓＠自體實驗｜PChome Online 個人新聞台

2005-05-20 16:52:58| 人氣110| 回應0 | 上一篇 | 下一篇

衰貓

推薦 0 收藏 0 轉貼0 訂閱站台

從前,有一個窮既傻佬,養左一隻衰貓。

傻佬係個愛貓成狂既傻佬,將自己成幅身家買哂佢能力範圍以內最好既貓糧,又服待周到,縱到隻貓好食懶飛,又刁蠻任性。

衰貓多愁倩感,孤芳自賞,最鍾意係有陽光照到既地方?覺同埋諗野,可以一日用哂全部時間黎?,甚至?到傻佬以為佢係咪死左. . . . . .衰貓雖然唔係名種貓,但係就最自豪自己有雙修長既美腿,每次見到有玻璃反射既地方,都不禁要望下自己線條優美既雙腿,自己滿足一番。
衰貓鍾意就走埋去嗲下個傻佬,迫傻佬陪佢玩埋哂d無聊既遊戲,就算個傻佬忙到出哂煙,都會同隻衰貓玩到忘哂形。
唔鍾意既話,個傻佬走埋去撩佢,佢就唔留情咁一野抓落個傻佬度,哼一聲就擰轉頭繼續沉溺係自己既世界。

雖然個傻佬成日都咁樣比隻衰貓蝦,但係當隻衰貓間唔屎走埋去嗲佢兩下,個傻佬又開心到暈得一陣陣,就算衰貓抓自己抓到見紅,傻佬都會笑得好甜話比佢人知呢條係衰貓抓自己既疤痕。
一人一貓,就係咁樣既相處方式,一日復一日. . . . . .

有一日,屋企黎左個肥婆,個肥婆入到黎係度嫌三嫌四,一見到隻衰貓,就指住佢唔知講左d乜,個傻佬面有難色,衰貓又不以為然,擰轉頭繼續?覺。
見個肥婆既次數越黎越多,而個傻佬唔知做乜,又突然勁鍚隻衰貓,買左好多野比佢,又成日攬住佢唔肯放。
後來,有一排唔見左個傻佬既?個傻佬死左去邊呢?衰貓心入面有d忐忑,不過佢以為只不過係自己一貫既太多野諗姐. . . . . . .
終於,個傻佬返黎喇,佢帶埋個肥婆返黎,肥婆一入到黎,直奔去衰貓面前,衰貓嚇到呆左。
無錯,係一隻呆左既貓,鬼咩~比傻佬縱到無哂一隻貓應有既謀生能力,淨係識得食同埋玩同埋貪靚. . . . . .
跟住肥婆開左衰貓隔離果隻窗,一手,推左衰貓落街. . . . . .

當肥婆走到埋衰貓面前,衰貓呆左一陣,跟住就望住傻佬,用眼神向傻佬求救。
可惜,傻佬只有兩行眼淚同埋擰歪面,到被肥婆一手推衰貓落街果一下,衰貓見到傻佬既最後一眼,係一個吃驚既表情同動作,之後肥婆同傻佬之間發生咩事,對衰貓黎講,已經再無任何意義喇. . . . . .

我要檢舉

#衰貓STORY

台長：吹時

人氣(110) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 衰貓story |
此分類下一篇:衰貓死唔去

回應(0)