車天車地 一個有好多回憶既地方!!!

106愛的鼓勵 0訂閱站台

16-3-09(一)放5:00，坐小巴出佐敦，轉地鐵去中環，去鵬嫂的公司，因佢幫我hold起了隻礸石介指，呢隻介指38份，都係二千三百幾，below the cost，抵呀!不過佢個指環款式我就唔係好鐘意(其實係一個玫瑰花形托，我都係覺得簡單d會靚d)，鵬嫂話個指環可以遲d俾佢整另一個款，於是我就買左佢了，之後行去金鐘同阿霖食飯，食outback，跟住去starbucks飲野。(又係慶祝我生日，d生日飯足足食左成個月先食完!^^)

 

17-3-09(二)放學又送車尾(18號巴士)，好!我行路回家，行左成10個字。

 

18-3-09(三)坐3B到鑽石山，然後行去Rosa 間學校，睇佢壁佈o既委任狀，先知佢係香港幼兒教育協會o既主席，原來係猛人，失敬失敬。

    我同阿霍、蟬蟬就整個powerpoint，Rosa就同班家長開會(明天佢地去立法局交交件，為幼兒學校和家長發表意見，因為學卷制下，對幼兒學校和低收入家庭不利)。

    Rosa為我地準備埋晚餐tim，真係周到，thx!

 

 
 

19-3-09(四)art present，跟住去左棋社搵棋友佢地一齊食dinner。

 

21-3-09(六)家長日，然後回家休養!

 

22-3-09(日)同少敏係和亭食Lunch，之後坐地鐡送少敏過金鐘，然後我再返太子，上左曾sir到搵阿恆同焯賢，跟住我地3個同埋frank一齊去jolly thinker玩，玩完又再返曾sir到捉棋，其後Dranell也來了，佢同曾sir個仔捉棋，佢又唔認真捉，後來人地迫得太緊時，佢先認真d，對方就講左句終於令你認真d。haha!好心你就尊重下對手啦!搞到比人話，捉到差不多10點走，我、Dranell同焯賢一齊去左我以前同Dranell都來過食火鍋o既日本野到食。