車天車地 一個有好多回憶既地方!!!

106愛的鼓勵 0訂閱站台

 

(黑色山羊食粟米)

 

 

(桐桐表妹)

 

 

(大尾督的黃昏景色)

(燒烤場下圍棋對奕)

 

 

 

 

 

(幫手影相o既阿姐都好手震wor!)

 

4-1-08(日)返午堂崇拜，與神立約，希望我能守約啦!

 

   崇拜後同Elise一齊行，送佢去坐9號巴士，然後我再上火車站，坐火車到九龍塘後，會合王子、小保、小保太一齊入大埔，入到大埔再會合埋Kira、 Dranell、焯賢、海師叔，笨師叔同佢女友，一齊坐275R入大尾督，係大尾督燒燒王到會合埋阿恆就開始燒烤了。

 

   買了12人套餐，$758再加$30蚊開爐費，每人都只係用$73，都幾抵，由3點開始燒，之後Dranell表妹桐桐(佢住大尾督)都o黎左一齊玩，佢一o黎到就成隻樹熊攬住Dranell。

 

   後來同桐桐一齊放旋轉玩具上天玩，跟住又有另幾個男孩子話要一齊玩，Dranell叫佢講密碼，其實Dranell係想佢講：『唔該!』點知個小朋友講：「爸爸!」hahahaha笑死我!之後Dranell行去同棋友講呢件事時，我教個小朋友講要叫「靚仔爸爸!」，跟住個小朋友又再Dranell講「靚仔爸爸!」激死Dranell，hahaha!死未!

 

    之後同桐桐去了睇動物(黑色山羊、白兔)、影相，然後再同Dranell送佢返屋企，送佢返屋企時有單車踩，都叫做還左我踩單車o既心願，跟住我就捉棋、踢毽子、玩Bang，開開心心過左一日。

 

    坐巴士出返大埔轉火車去旺角，就係旺角o既石磨坊食糖水，12:30先走，返屋企後又要等水滾先有沖涼，所以又睇埋14歲的媽媽，結果2:30先瞓!

 

5-1-08(一)極為疲累的一日，因為唔夠瞓，放5:30，落吉之島行左陣，因為吉之島有9折，超級市場超多人，5:40行返去車站等車，已大排長龍了，上唔到5:50o既巴士，結果要等多4個字，坐6:10o既車，知阿何放6:00，所以call埋佢一齊來上車，否則佢實排唔到隊上呢班車。