車天車地 一個有好多回憶既地方!!!

106愛的鼓勵 0訂閱站台

 29-9-08(一)返9放6，專登同阿何調班，由返早變返尾，因為起初諗住放工去做gym，同埋可以瞓晏D，但琴晚同Charmaine傾msn後，話今晚去佢屋企食飯，所以d時間就更perfect。

 

    放學時芊芊媽媽同我講佢個女o既趣事，話說我係手冊德育一欄到打了要幫助別人，於是：

芊芊媽媽：手冊話你要幫助別人呀!咁樣你要幫媽咪做野。

芊芊：我幫你做野，咁你都要幫番我著衫。

芊芊媽媽：你自己識著衫wor。

芊芊：你夠自己識做野，咁我幫你，你都要幫番我。

    呢個芊芊把口真係利害。那麼媽媽你只好清楚解釋俾佢聽，何謂幫助別人了。

 

    6:15離開學校，Charmanine媽媽call我，佢話Charmanine做緊功課，我都唔駛咁急上去，竟然如此，我就去行下吉之島，因為我想賣本09年記事簿，事關返學好多堂要上，都怕自己記錯。我想買sanrio公仔個d幾蚊一本o既記事簿，但吉之島冇，之後去大眾睇，都係冇，跟住再去十二期一間文具鋪到睇，都係冇，其實有一本14蚊o既記事簿都ok!不過個封面實在太花了，買唔落手。

 

    7:00上Charmanine屋企食飯，佢媽媽俾左本佢in小學o既profile我睇，佢都學幾多野，有公文數、圍棋、包紥、drama、普通話、鋼琴、講故事…睇o黎而家d父母為左陪育子女，真係要好多時間、心機同金錢，如果我有個女，我都唔敢講能否培育佢咁多野，簡單d，我只係想小朋友有個愉快o既童年，當然如果小朋友有興趣學，就一定俾佢學。

 

我總覺得而家d父母要小朋友學咁多係想幫佢地鋪路，等佢地有技能旁身又好，可以考好d o既學校都好，實在太過勞心勞力了!總之一句，做人父母甚艱難。

 

跟住我同Charmanine捉棋，佢鋪棋都識放係星位，不過後來被我全殺曬，佢琴日係msn同我講話有學圍棋，我都諗緊佢係邊到學，如果係黃埔學，有可能佢係跟Dranell學wor(我師父)，所以我專登買佢個阿sir係咪姓蘇，媽咪唔肯定，媽咪話跟香港圍棋社學的，我問Charmanine，個老師係咪叫Daniel(即Dranel)，Charmanine話係，跟住我就肯定係Charmanine跟Dranell學，Charmanine媽咪話遲些都想俾個女學棋，一係想棋社，一係叫人上門教。

 

 食完飯後，就睇Charmanine表演彈鋼琴同埋story telling，9:05leave，要到9:30先會有車，我又去行下吉之島，買左d白眉鳳抓、鵝翼俾阿媽食。坐9:30車回家。

 

30-9-08(二)返9放5，今日呢堂英文唔敢遲到，因為課程要求遲過6:45堂遲到，2堂遲到，當一堂abs。所以唔敢同人調班。

 

     明天國慶，學校早會升國旗，升國旗時，細黃叫我睇住巫嘉晉，因為佢對住國旗敬禮，勁!俾人一種好愛國的感覺。遲D要問下佢班主任係咪係大陸讀過書先得。

 

    上堂時，我播國歌時，都有教班仔學巫嘉晉望國旗敬禮。

 

     放5:00，同細梁一齊外賣米線吃，飽到死，5：45leave，坐5:55o既6x小巴出尖沙咀，再坐k16，今日冇塞車，路面暢順，我竟然6:25就回到學院，返左成個月學，第一次準時返學，係大堂時到見到成班同學仔企係到，佢地話miss請病假，不用上堂，下…咁大整古。同學仔話下午學院有send e-mail通知大家，係send就send sms啦!邊有人瞓返學前會就去check e-mail架!佢地講開話上星期打風時，miss有打俾佢話唔駛返，同埋有d人會收到sms，原來那個冇署名o既短訊係miss send來的，我重諗緊邊個同學仔咁好心呢!

 

    好彩我巿區返學，而家我係大埔返學，但返到去先知唔駛返，我會更激氣。

 

    行經奧海城一期，行番出旺角，然後上教協睇記事簿，仍然找不到想買的類型，然後回家。