車天車地 一個有好多回憶既地方!!!

106愛的鼓勵 0訂閱站台

27-7-08(日)12點起身，對腳痛到死，大概係琴晚著平底鞋行太長路之禍，1點出門坐2c去又一城(沿途曬到死)，紅色門徒訓練reunion，我、阿Lay、梁生、萍姐、千秋、Phoebe、Edmund、Chris同林生一齊食Amaroni’s Liteele Italy ，家媛同昇仔冇來，如果唔係我定就齊人了。

千秋話我染了頭髮同帶了頭箍好好睇，thx!不過作為老師o黎講，我都覺得潮得濟。

食到2:45，走了，跟住我、Edmund、阿Lay、萍姐、Chris一齊去梁生屋企，坐火車去到大圍時，天色灰暗，想下雨，死啦!我冇帶遮tim，萍姐話唔驚，梁生屋企實有。

我地坐村巴去到梁生屋企-湖景花園，地點坐落於寶福山再上的地方，如果唔係自己有車，出入真係唔方便，因d村巴8:45pm係尾班車。

梁生屋企樓底高，感覺寬敞，在露能遠眺獅子山的背面，加上外面大霧，大霧下的山景有點像仙境呢!

我地唱k、玩貓、玩按摩椅，5:45走了，梁生車我、阿Lay、Phoebe、Chris去又一城，跟住我坐地鐵去礸石山，6:15已到，call貞姨時，佢地先剛係銅鑼灣SOGO下車，實遲到la，最d爭人遲到，跟住我去了冒險樂園玩， 42個幣玩了千多張飛，最勁o既係擲彩虹，擲中了綠色有500張飛。

貞姨同表妹7:00先來到，同表妹去百老滙搵Eric買相機，買期有「盜墓迷城3」2張戲飛送，抵wor!

跟住去了食金煌庭京川滬菜館，d餸一般，還是王家沙好食d。
之後行左陣三聯書局，九點幾坐番地鐵出旺角，去新之城攞番條姊妹裙，修條裙要修成4個月，重新整第三條，真係誇張。

行返屋企時，經過窩打老道的麥當勞，見到出番意大利咖啡奶昔，我o既致愛返來了，呢期要多d去幫襯先得。


28-7-08(一) 對腳又痛，又唔夠瞓，返9放6，6:06分離開學校，去到車站時又爭幾個位先上到車，所以入番吉之島行下，同最緊要o既係涼冷氣。6:20先行返出來等6:40o既巴士，返屋企hea左陣，望出街外，個天煙霧迷漫，又紅又灰，好恐怖o既感覺。7:18行去高山劇場，8:00同King、Dranell一齊跟工聯會學打網球。

個阿sir係一個似就來退休o既弓阿叔，但好型，都幾風趣。一班12人，阿sir話已經算多人了，冇計啦!阿King一定趕唔切返7:00個班。

對上一次玩網球應該係中五時上PE堂玩的，今次再玩覺得好好玩啊，再累都值得來。今堂學了開波。

落堂後，我地去了一間茶餐廳食飯，10:00leave，一出門口時，好多閃電，跟住下大雨了，我坐珠江van返屋企，又好好彩落車時就停雨了。

古惑仔升22級，能做到新任務，連環洗劫銀行。

29-7-08(二)又是炎熱的一天，學校冷氣又唔夠，熱死。

5:30同細梁一齊係門口叫咪放仔時，我教番佢讀緊數學個科d數，那些中四中五的會考題，已好耐好耐冇接觸，不過我都重識計，只係我當年讀書用英文考，佢份功課轉曬做中文，我反而有d唔慣，但難唔到我的。

坐6:40車回家，又係行陣吉之島先去車站，call阿媽出街食飯時，佢先佢係九龍醫院睇緊醫生，是關佢呢排隻左腳腫曬，醫生話佢細菌感染，跟住佢話我知佢辭職了，佢終於都肯辭職，實在太好了，好好地享福咪好lor，唔好咁辛勞了。

去大快活食飯，d野貴左好多，唔夠一年前o既焗豬扒飯係$25.5，而家要$32。

沖完涼時就塗護膚品，跟住想帶番副眼鏡時，就搵極都搵唔到，明明係厠所出來時，我都重拎住，真係好奇怪!唔夠五分鐘時間，夠竟我會擺左係邊呢?費事sign時間搵，跟住就去左帶con。

後來玩玩下電腦時，覺得頭上個頭箍就o黎掉，跟住我攞隻手去整頭箍時，就發現原來我副眼睛放在係個頭到，hahaha!真係搞笑!我記得我阿媽係我細個時話我，如果我個頭可以除下來都會唔見，我都好認同呢!