車天車地 一個有好多回憶既地方!!!

106愛的鼓勵 0訂閱站台

24-7-08(四)返8:00，Lunch入完相落電腦後就，跟住同阿何換左部電腦用，到再開完會返來，就唔見左張SD card。唉!問d老師大冇攞個張卡，細梁話佢攞左，但後來發現佢攞個張卡，唔係我個張，再搵埋櫃底都唔見張卡，放工時又搵一搵，都係搵唔到。算啦!唔搵了，反正d相本身都有底，只係唔見左張卡總覺得唔抵。不過d野應該唔搵就會出來，所以唔搵了，大不了買過張啫。

坐5:40 212出油麻地，去到棋社同Kelvin捉棋，臨尾本來有機會殺佢一堆棋，會反敗為勝，不過睇錯棋，結果輸十幾目。不過呢盤都算捉得唔錯。因為能入侵佢d地。

上堂玩讓子棋，被人讓子時，攞黑子，總想自己保好d地，結果會輸，因為心理因素影響。反而自己攞白棋讓人子時，就可以殺得好勁，因為明知讓了子，唔夠地，要好勇咁去殺人，結果讓傻狗3子，可以殺得佢好勁。

跟住覆盤，由Joey講棋，佢真係講得好搞笑。

上完堂，我同Frank、Kelvin三個互捉，Kelvin兩盤棋都攞白子，Frank兩盤棋都攞黑子，我就最慘，一盤攞黑子，一盤攞白子，起初會調亂攞錯棋。
本來我贏kelvin，但臨尾睇漏一步棋，死左條龍，又係死中間位緊氣呢步棋，真係救命!不過我在起初怖局時，臨將kelvin入侵o既棋斷左佢條尾，都很開心了，重搞到Joey話我係女魔頭。

而同Frank個盤棋，我本身是落後，但輸俾Kelvin後，發奮途強，唔單止救了就死o既棋，重反圍佢d棋成功!Yeah!

今日我地好多人都有新形象，我戴了頭箍，佢地話似公主，Joey、傻狗剪了頭髮，細寶著了粉紅色低V衫。

晚餐食富貴，王子搞我玩扭計骰，原來扭計骰係有公式的，我一定要學識佢。

食到11:30，富貴都關燈，我地走了。

返屋企又捉棋、又msn、玩古惑仔online。成4點瞓，諗住今日夜d瞓都唔緊要，因星期六返12:00，可以瞓番多d。

25-7-08(五)放8:00，一返工見暫托葉老師坐係到打電腦時，就同佢講話我唔見左張SD卡，我MUD係到同佢講野時，就係呢個水平，我對眼竟然見到張相機卡放在係個主機上面，撞鬼咩!邊個放張卡咁O既位，假使張卡係Card reader掉了落地，都擺係電腦枱面啦!不過搵得番就算啦!

見到Icy同佩瑤都帶用了頭箍(佢地兩個人從來都未帶過的)。我覺得係因為佢地見我琴曰都帶了頭箍，於是佢地都帶。

小朋友瞓醒覺時，幫佩瑤紥了兩條邊同帶個頭同箍，已好覺70年代feel，於是都幫Icy梳了個70年代o既頭(有個高「繼」係個頭頂，跟住「繼」中有條辮)，我都覺得好靚好得意。Icy自己照鏡時，都開心到係到笑(學時有朱正昕媽媽佢個頭紥了個菠蘿頭。)我都想幫阿宜整同Icy一樣o既頭，但佢d頭髮頭幼了，出不到這種效果。

放5:00，打多一、二個幼兒發展評估表，我就打曬d 評估表了，手腳真快。外評後一個星期就出得曬d報告。

跟住坐小巴出佐敦做facial，5:50做到7:15，跟住行番教會隔進o既,楊震，同少敏一齊洗刷。8:45先走得。

坐番212落黃埔，同阿霖食飯，都係食和民，不過佢唔帶到張和民卡，冇了9折，唔抵，佢9點前攞飛，我o黎到9點幾都重要等多2張枱，真係誇張，冇計，星期五。

食到11點幾，Alex車我番愛民。

太累了，1點幾就瞓。