車天車地 一個有好多回憶既地方!!!

106愛的鼓勵 0訂閱站台

4-2-08(一)返8放5，好彩琴晚早訓，所以今日雖然早起，但精神都好好，放工就歸家，買肯德基回家食，買野食前都專登打電話俾呀媽，睇佢食唔食，但佢冇開電話，我重諗住屋企冇人咁好，點知一返到屋企，成村人係到，阿爸放假訓緊覺，老樂係到玩電腦，阿媽都係到，只係佢開冇電話。

11:30訓覺，超健康wor。

5-2-08(二)雖然早訓，但竟然電話鈴聲響，被我閂了，到再醒時已經7:33，那就唯有坐的士返工。今日學校搞農曆新年慶祝會，請左我班D家長返o黎睇住d攤檔，都幾好玩，但最敗筆，係校長叫d小朋友自己帶d糖返來，然後放係波波池到俾佢地尋糖，佢地帶得太多糖了，好浪費，於是多餘o既糖就俾左細梁，因為佢d教會係旺角花巿都有個檔，隔o黎有d慈善機構，所以可以將d多餘o既糖送俾佢地。

放5，5:30去了beauty forever做facial，跟住行去棋社，同killar捉棋，佢讓我4子，win了，好彩d棋冇退步到，事關呢期已經少了捉棋，又少睇書，但有d理論就清晰了。 Frank要ot冇o黎到捉棋。

後來Dranell就教我同tommy捉一d局部o既棋，捉完棋請Dranell食花園餐廳，當係謝師宴，佢話咁快學完了?，但未學滿師wor，冇得graud…咁都得!…

Dranell話killer今日好女仔呀，又蘭花手，冇錯，我都覺，可能春天近了。食到成12點，走時落雨，好彩有帶遮。

返到屋企沖埋涼，再睇埋翠戀曲大結局成2點幾先訓。

6-2-08(三)連卅十晚，早上太凍，極唔想起身，今日我班仔成15人返學，但隔離班都只係幾個仔，原來佢地琴日就派曬功課，唉呀!蝕了，早知我都一早派功課，等今日唔好咁多仔返la。

詹老師(舊年跟我o既實習生)返o黎探我班小朋友，佢真係有心，早輪佢去了北京交流，重買埋手信俾我，多謝曬!

放5:00，留係學校到打埋下學期個大綱俾校長，5:40就同埋阿何一齊走，本來阿何應放6:00，但5：30已走曬仔，加上未夠6:00校長都早走，校長話有d野要變通，所以阿何都早走了，行出門口一陣，我發覺我留了袋書係屋企，所以返轉頭攞，阿何就走先。

5:50去到車站，送車尾，但5:53又有另一部免費巴士來了，跟住見到個車站牌寫年卅十加開班次。

上車坐車頭，跟住見到有個人條頸巾好熟面口，再望下佢，原來係阿何，我地一齊坐車返愛民，跟住上了佢屋企，因佢攞「惡作劇之吻」o既碟借俾我。

返到屋企食左好多零食：朱古力、炸紫菜，再飲埋呍呢拿可樂，已經好滿足了(其實自己都病病地，身都喉嚨痛，有啖，重就去食d咁o既野，不過唔戒口一向都係我o既作風，所以病死都唔抵可憐。)

今年最可惜係冇行到花巿，不過自己真係好累，所以算吧，而我10:30就訓了。

PS.放工時，覆鸞姨CALL，佢想叫我去佢屋企食飯，我知我阿媽唔想去，因佢累，我都係唔去了，一來累，二來我去了佢屋企，我阿媽一個人係屋企會好悶，所以還是歸家休息。

7-2-08(四)琴晚10:30訓到今日1:30，訓左15個鐘，太幸福了，才埋太累(越訓越累)，起身上下網，搞下Travian條村，同人係msn講下恭賀說話，再2點幾食野飯，到4:30又開始眼訓(可能食大藥o既關係)，於是又訓過，6:00起身，同phoebe傾下電話，跟住就睇下電視，打下日記，msn下，咁就一天了。

PS.舊年新年係法國Taiae到過。