24h購物| | PChome| 登入
2004-01-28 00:09:00| 人氣25| 回應0 | 上一篇 | 下一篇

過年前後的日子

推薦 0 收藏 0 轉貼0 訂閱站台

19-1-04(星期一)今日返9:30，本來要同N4小朋友去行年宵巿場，但由於落雨，取消了，又凍又寒，唔駛去就最好。YEAH!!!放7點，因有人延展。

20-1-04(星期二)今日趕住出門口，冇戴銀包，問阿蒙借錢，5:30跟校車慈雲山放工，有D微雨粉，又冷又凍，我就係巴士站到等3C，唸住出旺角買電腦用既咪，點知等好耐都冇車，見到有好幾部旺角小巴，我都唔想，係都要等3C，可惜等了幾個字都冇車，我不敵天寒地凍就只好上了小巴，去到旺角買了咪後就回家去，回家後買上試用個咪，就同浩堅試，但係後來雯雯用浩堅account話我知，原來佢係冇咪，搞到我對住個咪講咁耐野，真係傻。其後爸爸放假回來，我同爸媽一起去麗斯食晚餐，跟住爸爸係優之良品買了機燒元貝，成280磅，買了半磅送1/4磅，雖然貴，但真係勁好食。晚上，見到Ackie online，我就馬上同佢講野，但只有我聽到佢把聽，佢聽唔到我把聲。我今日專登去買個咪都係為左同佢講野，冇計佢而家係德國，傾電話真係勁貴。

21-1-04(星期三)年三十，返9:30，有可能放7點，其實延唔延展都冇乜所謂，因為主任6點就走了，佢唔係度，延展都冇乜壓力。到6點時，只有新玥一個人未走，啊卿就提我打一打電話俾佢屋企，先知原來佢屋企人真係唔記得接佢，到佢家姐趕來接佢時，6:14min又未夠15min，唔收得延展錢，我又冇得當OT，蝕了。早知遲多幾分鐘先打電話去佢屋企啦!回家後，本同媽媽一起出麗斯食飯，但麗斯竟然冇開，激死，跟住去了超級巿場買野食，都買左成百幾蚊，D錢真係唔見駛。回家睇電視，也有和Ackie一齊傾計，今日大家都聽到對方講野，去到11點幾時，已經超眼訓，但係咁椅都挨到12點，睇埋倒數先。跟住就睡了。

22-1-04(星期四)年初一，由12:05睡到12點幾，訓左成13個鐘，好累，同屋企人食過飯後就睇下電視，整下部Winnie the pooh 織頸巾機，先發覺唔見左支針，搞到我搵曲別針、髮夾及鐵線代替，跟住呢晚係零晨3點同識左幾年(5-6)幾馬來西亞筆友君雁用yahoo messanger傾計，搞到我唔捨得睡覺，後來因斷線才cut了，4點睡覺。

23-1-04(星期五)年初二，點幾先起身，有著數，昨天遲了睡還是差不多時間起身，精神又差不多，遲睡有著數，yeah。與爸媽出街飲荼，跟住回家繼續玩Winnie the pooh 織頸巾機。

我要檢舉
台長： 車人

您可能對以下文章有興趣

人氣(25) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文