標題:
澳洲working holiday 問題
發問:
我想約5月左右去澳洲(墨爾本)working holiday 1)大約有咩要準備嫁?(有冇一定要帶d咩) 2)我仲未申請working holiday嫁,大約幾時申請好...?有咩要留意/?可以係邊到申請 3)去澳洲係咪要申請簽證,會幾時申請好...? 4)可以係邊到搵工,我英文唔好,有冇中文...? 5)有冇住既地方可以平d? 6)到時澳洲天氣會點? 7)澳洲過關係咪好嚴,好多食得既都唔比帶嫁...? 8)杯面可唔可以帶過去..? 9)邊到買機票會平D?? 10)我上網睇到話申請working holiday 要有約5000澳元,但我無甘多錢,係咪申請唔到 更新: 我見到有人話網上申請VISAhttp://www.immi.gov.au/ 但英文唔識睇,有冇中文板..? 更新 2: 我5月去有冇農場工做嫁...? 係咪人工高D...? 更新 3: THX Mnno既回答... 我又想問埋係咪一定要買埋來回機票嫁...?
最佳解答:
我而家係澳洲working holiday緊! 1)大約有咩要準備嫁?(有冇一定要帶d咩) 一定要帶手提電腦同睡袋! 衣服：冬季保暖衣服,羽絨,一星期份衣服/內衣褲,帽,手套, 衛生用品：牙刷牙膏,洗頭水沐浴露(二星期分量),洗面膏,潤膚乳/lip balm,衛生棉防曬手品,蚊怕水/無比滴,毛巾,鏡梳,指甲鉗 小型電器：手提電腦,手機,相機,mp3,叉電器,風筒 其他：睡袋,小量洗衣粉洗潔精調味料,哂衣繩,風傘,吹氣枕,太陽眼鏡,摺疊袋,紙巾,藥品,旅行書,日記,筆等等 同埋我帶左個好細既飯煲同風筒都幾有用。至於帶喼或帶背包+旅行袋就睇你自己需要啦。 臨出發前最後就係買保險，將所有証書同証件scan入電腦send email俾自己(有用時print返出黎)，執行李，影印定証件, 交代俾屋企(例如卡數,代收信之類 2+3)我仲未申請working holiday嫁,大約幾時申請好...?有咩要留意/?可以係邊到申請 去working holiday要申請工作假期簽証 (working holiday visa subclass 417) 最方便係網上申請：官方網站, 或者去澳洲領事館申請。填完表完，可以2日後打電話去佢指定既驗身中心(mk/tst/cwb) 約時間驗身照肺驗尿 (女仔period則要等多完左之後1個星期後先可以做檢查) 驗身大約1個星期後會收到confirmation email，發出後一年內任何時間都可以入境澳洲，由入境日子計可以留1年，途中可以無限次入境出境澳洲。建議你快d驗身confirm左visa先，咁1年內你想幾時出發都可以，因為驗身時間未必可以咁快安排到。5月去最遲3月好申請啦。 4)可以係邊到搵工,我英文唔好,有冇中文...? 因為自己唔係native speaker, 個個都覺得自己英文唔好，其實放膽d講就可以。中文既工作只可以係唐人街揾到，但係多數係黑工黎，待遇好低，得$8-10/hr (合法既白工起碼$18/hr)。 5)有冇住既地方可以平d? 最好揾定到步後兩個星期既住宿，可以的話住sharehouse最平($80-120/wk)，揾唔到就唯有住住backpackers($20-28/day)先! 通常合租屋都要俾押金兩星期。 合租屋: 背包客棧, Gumtree backpackers/hostel: www.hostelbookers.com 6)到時澳洲天氣會點? 到時係秋天開始入冬啦，最好臨出發前check下天氣: 網站 7)澳洲過關係咪好嚴,好多食得既都唔比帶嫁...? 好嚴，最好任何食得既野都唔好帶。被人查到就好麻煩。 8)杯面可唔可以帶過去..? 我見過有人帶一箱，但我勸你唔好啦! 澳洲都有得買 9)邊到買機票會平D?? 可以zuji同priceline格下價, 又或者可以揾agent。通常jetstar同malaysia airline比較平。 10)我上網睇到話申請working holiday 要有約5000澳元,但我無甘多錢,係咪申請唔到 唔係，我都係帶aud$3000，我朋友帶$1000添。話就要，係保障你萬一揾唔到工都可以生存到一至兩個月。不過我出發前都用左$8000+，單程機票連稅$4200馬航, visa $1600, body check $600, 物資大約$2000。 11) 我見到有人話網上申請, 但英文唔識睇,有冇中文板..? 無中文版，但你可以睇中文教學黎申請：按這裡12) 我5月去有冇農場工做嫁...? 係咪人工高D...? 城市工作通常都請都係通常侍應,售貨,按摩之類，office work唔請working holiday的。所以backpacker多數做農場工，易d揾工之餘人工都有$18/hr以上，5月都有農場工做，但係少好多：幾時有咩農場工做可以參考澳洲harvest trail 官網 揾工網站: jobs.gumtree.com.au / www.career.com.au 另外到步之後有三樣要即刻做 1. 到銀行辦存款戶口+e-banking+atm卡, 出糧用 (NAB最好) 2. 買電話咭並上網activate(OPTUS/telstra pre-paid sim卡) 3. 上官網申請稅號TFN, 出糧交稅用 到步起碼兩個星期最好有固定地址, 因為銀行會寄ATM卡同密碼俾你, 而稅號亦都會係兩個星期寄出。 有咩問題歡迎繼續問! :) monoutakata2@yahoo.com.hk 2012-01-30 17:40:25 補充： 唔駛，我都係買單程﹗因為我到時唔知幾時走、邊度走，亦都唔想被fix死。
此文章來自奇摩知識+如有不便請留言告知
< async src="//pagead2.googlesyndication.com/pagead/js/adsbygoogle.js">
其他解答:8FFC68D9745AD588
文章定位：
