第七首歌:<<我愛過很多人>>
我愛過很多人 很多人愛過我
從沒有嘗試過 愛到走火入魔
我愛的那些人 沒一個愛過我
想愛我那些人 我全大意錯過
我愛的那些人 到現在還恨我
他們說我沒有為愛情付出過
愛我的那些人 很久已經沒有聯絡
但我還在回味從他們身上得到的收穫
我愛過很多人 很多很多人愛過我
不是愛得太多 就是愛不夠多
走進那個時候 才遇到一個人
我跟他給的愛 都是一樣的多
我愛的那些人 到現在還恨我
他們說我沒有為愛情付出過
愛我的那些人 很久已經沒有聯絡
但我還在回味從他們身上得到的收穫
我愛過很多人 很多很多人很多愛過我
不是愛得太多 就是愛不夠多
走進那個時候 才遇到一個人
我跟他給的愛 都是一樣的多
我也不想這樣 仍知不知所錯
邦:「<<我愛過很多人>>﹐多謝!」
(拍手叫囂)
邦:「(狂笑)估唔到咁好反應喎﹐初初因為我地今日...頭先岩岩係度度set果d野﹐丫﹐會唔會長得滯呢﹐係諗住cut呢首既」
Pius:「哈﹐都話唔好架啦」
邦﹕「哈哈﹐點知大家咁鍾意﹐咁多謝你地啦~咁呢...跟住落黎呢﹐唱返我碟入面d歌喇。(對Pius講)你齋彈啦【觀眾笑】我唔彈呢首喇﹐我全神貫注地...」
Pius:「(搵譜)究竟係邊首呀?」
(全場笑)
第八首歌﹕<<含蓄>>
(完歌)
邦:「<<含蓄>>﹗」
(拍手)
邦﹕「跟住落黎呢首歌都係黎自我隻碟既﹐一首我好想plug既歌﹐但係都係plug唔到架喇﹐<<憤怒青年>>」
第八首歌﹕<<憤怒青年>>
(完歌)
邦﹕「<<憤怒青年>>!」
(拍手)
邦:「點呀﹐你地睇得開心嘛?【開心~】下...無乜反應咁既?唔開心呀後面果d?【開心呀~】(邦飲水水)」
第九首歌:<>
第十一首歌:<<半熟蛋>>
(完歌﹐全場拍手+尖叫)
(緊接住第十二首<<熱帶魚>>)
邦唱:「熱帶魚 魚缸中一雙一對...【全場:"Wow～"】」
(完歌﹐繼續拍手叫囂)
邦﹕「拿﹐跟住落黎果首歌呢﹐就彈琴彈既原本﹐咁再博一鋪啦﹐再開開個琴﹐都抖左咁耐﹐成個鐘有多喇﹐會唔會突然間好返呢?如果無呢﹐就繼續頂埋去(阿邦又再唔死心咁試琴﹐但係仲係走晒音...| ||)
Pius:「(發出怪聲)」
(全場大爆笑)
邦﹕「仲係short左(個琴)」
Pius:「同我差唔多je」
【笑】
邦﹕「拿﹐本來呢大家如果見到個琴呢﹐頭先係呢個high G以上有問題je,跟住之後就漫延左去high C喇﹐跟住再漫延呢﹐middle C, middle C之後果個D呢﹐都short short o地既」
Pius:「佢患左流感丫可能」
邦﹕「係囉」【全場笑】「跟住會繼續漫延落去架」
Pius:「白雲依蚊呀中左」【笑】
邦﹕「係呀﹐講起白雲依蚊呢﹐點解大家會唔見左徐繼宗呢...」
Pius:「(笑)係囉﹐唔見左徐繼宗...」
邦﹕「(笑)佢係被懷疑感染左白雲依蚊﹐有登隔熱既...」
Pius:「我呢﹐打比佢佢響急症室喎...」
邦﹕「(正經)係喇﹐佢抱恙所以黎唔到」
Pius:「真係好擔心唔知佢咩事呢」
邦﹕「係囉﹐同埋佢要搬屋呀呵?」「咁所以我地要比佢休息一下先﹐係喇...」
Pius:「講埋呢個故仔先﹐阿徐繼宗好笑...我打比佢呢﹐佢話"喂我病左呀"」
邦:「(搶答)徐生幾時都咁好笑架喇」【全場爆笑】
Pius:「咁我話"你有無事呀?"佢話"我響急症室呀",我話"下?咁嚴重?咁你依家點呀?"
佢話"無呀﹐等左四粒鐘無睇醫生返屋企訓覺﹐跟住無事喎"」
【大笑】
邦:「徐生真係...」「不過anyways,跟住落黎係最後架喇一隻歌﹐咁呀...係囉...都夜架喇﹐大家要返屋企架...【台下"lur"住阿邦唔放】(得戚)你"耶"大聲d我咪唱耐d囉(笑)」
【現場:耶 > >>>>>>>>>>>>>>>>>>>】
(阿邦大笑﹐非常滿意~)
邦:「(笑)唔係呀﹐你知唔知我今日真係好驚呀真係﹐要成場拿住支結他響度...響度博命咁」
Pius:「新買支結他嘛﹐彈得多會開聲架個結他」
邦﹕「係囉﹐開齌咁呀真係﹐好既開齌橋~咁r...不過都響度想多謝大家啦﹐買飛入黎睇啦﹐因為我知道...r...你地有好多option可以將呢百零蚊...你可以去食餐飯又得﹐你可以...即係坐響機鋪度打晒百幾蚊去【全場笑】咁你地選擇左黎睇藍奕邦...或者你地拎去澳門賭都得﹐我唔理你...哈...【笑】咁你地選擇睇藍奕邦咁我多謝你地同埋r...唔好意思﹐如果今日大家係黎一睹我彈琴既風采既話【笑】哈哈...唔緊要﹐八月廿七號我響藝穗會有另外一個show。其實今日呢個show諗住係Accutic既﹐即係琴加結他﹐咁八月廿七號響藝穗會就係full band,(點頭)有鼓有bass 【wow~】即係chur行佢架喇﹐咁呀大家都黎玩啦﹐咁...果部琴係真三角琴黎既﹐咁我諗段估都唔會壞既﹐哈哈~【笑】阿貓呆...知唔知我講緊...哈...係囉...」
Pius:「阿貓有個好牽強既笑容喇已經」
邦:「哈...係囉~阿貓響度藐緊我呀...哈...咁r...係咯﹐再度多謝大家有買我隻碟﹐因為其實我...初初未出道果陣﹐我以為係r...出一隻碟係﹐係一樣好簡單既野﹐或者係之後做既野唔係好...好...好困難既野囉。但係我r...我出左碟之後先覺得﹐出一隻碟好困難﹐要一隻碟賣得仲更加困難﹐要再繼續做落去其實係一件﹐一樣好困難好困難既事。咁即係希望無論藍奕邦之後做d乜都好﹐我promise大家我會繼續比心機﹐我會做好我既歌...r...我會比心機做好隻碟﹐因為我覺得r..覺得做歌手最緊要係做好自己d碟囉﹐即係我覺得做歌同做碟係兩樣野黎﹐做歌係逐首逐首咁做﹐做碟係其實...你點樣令到一班人去肯拎一百蚊出黎買張CD﹐係要人覺得我聽呢張CD我唔洗...r...我係一個過程黎架咯﹐係experience黎﹐我唔係話我得閒鍾意聽下第三隻﹐得閒鍾意聽下第十隻咁樣。我覺得買一隻碟返黎係要由頭聽到尾﹐你係可以get到d野~咁我其實做我第一隻碟我都好希望大家可以由track one聽到track 13, 再聽埋個hidden track...咁樣...咁希望大家聽隻碟會get到d野﹔咁我會繼續比心機做﹐咁樣...期望十月會有我既新歌聽既﹐【大家拍手~】咁下一隻碟一定唔會今年出呀﹐因為我趕唔切~咁r...我諗出年年頭會出到碟。咁同埋...即係做少少預告啦﹐十月我會做舞台劇既﹐咁係十月廿九號到三十一號(笑)﹐咁係呢個林奕華既新劇﹐叫<<大娛樂家>>~佢其實叫我今晚響度同你地講架(笑)【全場笑】叫你地留意...咁...r...咩話?...」
台下:「你有無收廣告費呀?」
邦:「有無收廣告費?我點解要....」
Pius:「(搶答)佢收保護費添呀」
邦:「哈哈...我收人保護費就差唔多」「咁呀...r...唱歌啦不如...」
(有人響房門口幫阿邦影相相)
邦:「哈...做乜事有人標出黎架...」
「係喇﹐講起果個hidden track....(望住Pius)你識唔識架?哈...【全場笑】」
Pius:「你帶頭我就識啦」
邦:「哈﹐好啦﹐我盡量~」
第十三首<<快樂王子>>
(完歌﹐全場拍手+叫囂)
邦:「跟住呢首歌呢﹐係最後一首歌喇~」
【現場各人:(非常大聲地) CHUR >>>>】
邦:「(靜數秒)繼續啦﹐嘩哈哈」「唔係呀﹐即係老實講﹐點解我會再返黎阿貓度開show呢﹐因為我覺得﹐我好鍾意響呢d場度唱歌﹐我好鍾意咁樣既setting,我可以好清楚咁望見你地。同埋我覺得r...我返到呢d地方唱歌我先覺得自己鍾意唱歌囉。我先...因為呢幾個月﹐誓如出左道﹐我要做宣傳﹐我要上電視﹐做function,咁我覺得...好多時候r...我會懷疑自己仲鍾唔鍾意唱歌﹐我再唔再鍾意唱歌﹐或者唱歌係咪我應該做既野呢?因為好多時候﹐好多環境因素影響到個表現﹐尤其是有時上電視﹐我知道r...有好多人會...因為佢地以前無聽過藍奕邦響呢d地方度唱live,佢地第一次聽我唱live就係上電視﹐咁可能佢地睇到我上電視果幾次就表現唔係太好﹐我自己都承認﹐因為我上電視實在係太緊張喇。無啦啦有幾部鏡頭對住你﹐自己仲未習慣~係囉﹐表現唔係咁好~有時我會上網睇返d人對我既comment,d人話"丫﹐藍奕邦唱歌唔得既",我自己都會好汶囉﹐即係響度諗究竟我係咪仲應該去唱歌呢?究竟我仲係咪鍾意唱呢d歌呢?同埋日日都係唱住<<熱帶魚>><<自知之明>>﹐【全場笑】咁自己會開始懷疑呢樣野﹐今晚我好開心﹐雖然無左個琴﹐但係都唱左好多新歌﹐希望你地都睇得開心。」
【全場拍手+叫囂】
邦:「(笑)係囉﹐響度好多謝你地﹐好多謝你地令到我再可以enjoy返唱歌呢樣野囉。咁我亦都保證大家﹐黎緊我上電視唱歌會比心機d既【笑】係喇...」
(再拍手)
邦:「咁以下落黎呢首歌呢﹐唔知點解呢﹐我彈琴唱呢就無事架喎﹐但我一唱MMO呢﹐就...即係我唱果時d工作人員同我講 "拿﹐你彈琴唱呢就一百分﹐但係呢﹐硬係你唱MMO呢就..扣左三十分既...哈...【笑】」
台下:「係<<自知之明>>」
邦:「係喇﹐無錯~Pius~」
第十四首歌:<<自知之明>>
邦唱到: 一早知道沒那種資格 營造氣氛欺騙觀眾...
(反起頭頂盞燈黎睇﹐全場爆笑)
邦將其中一句歌詞改造:
(無奈地) 就算我知音只得這鋼琴 都不要緊反正已經爛左
【台下爆笑~~~~】
(完歌﹐掌聲如雷+叫囂)
邦﹕「(笑)Byebye~」(快速閃人)
台下:「Encore!! Encore!!!」
觀眾:「喂喂﹐Pius到你喇~」
Pius:「哈...走喇...」
(阿邦又跑返出黎)﹕「(興奮地)大家聽唔聽Pius唱歌呀?」
【全場+邦﹕好~~~~~~﹗﹗﹗】
Pius:「下...唱咩歌呀...」
台下:「<<雪櫃>>啦」
第十五首歌:<<雪櫃>>(Pius)
(全場+邦 拍手比Beat)
(完歌﹐台下反應超級熱烈)
邦:「唱多首丫~黎啦﹐唱多首啦~~」「跟住呢首歌呢﹐Pius一首作品黎既﹐我覺得非常之非常之好聽﹔好可惜我係一個唱...唱作人﹐唔可以...暫時唔可以...即係...」
Pius:「(搶答)你擺我既歌啦﹐藍奕邦~~擺啦...」
邦:「我好想架﹐但係我...我盡量同佢(唱片公司)argue啦。我好希望我黎緊既專輯有你呢隻歌~」
Pius:「好﹗」
邦﹕「好。」「如果無大家知咩事啦﹐應該係比人ban左喇【全場笑】」
第十六首歌﹕<<十秒之內>>(未發表) By Pius Tong
靜看窗外 驟雨漸來
望見風已吹至凌亂散落
十秒之內 想到是我未來
無需說話 仍是快樂 明知故犯為何我不清楚
十秒之內嚮往是可解放
曾話說過每晚每夜無需心痛 為何看見聽見這段情需感動
求求你說愛我 這准許說謊
曾聽你說過某個他真心相愛 而你也說過會跟他感受未來
而這一生中只可躲於被窩
無需說話 仍是快樂 明知故犯為何我不清楚
十秒之內嚮往是可解放
曾話說過每晚每夜無需心痛 為何看見聽見這段情需感動
求求你說愛我 這准許說謊
曾聽你說過某個他真心相愛 而你也說過會跟他感受未來
而這一生中只可躲於被窩
曾聽你說過與某個他真心相愛 而你也說過會跟他感受未來
而這一生中只可躲於被窩
十秒之內... ...
(全場+邦 拍手&尖叫)
邦﹕「(望錶)r...咁呀...我諗大家都 支力 架喇...然之後阿貓要收鋪﹐【唔 支力 呀~~~】阿貓係咪要收鋪呀?【現場代答:唔係要收鋪呀】encore呀?唱咩?」
Pius:「係囉﹐你唱咩呀?」
邦:「r...唱咩好呢...?【火柴啦!火柴~】下...?!火柴?」
Pius:「下?要開埋火機喎」
【爆笑】
邦﹕「火柴...我應該彈...(飲水水)好~咁...火柴係首咩歌呢?(笑)係一首大家都以後會響我第一隻碟出現﹐但係無出現過既歌黎既﹐咁我都比人藐到七彩架喇【笑】其實唔係我唔想擺...同埋唔係因為我唔鍾意呢首歌囉。一來我覺得唔fit落我第一隻碟果個concept入面﹐同埋...r...呢首歌版權有少少問題。咁就...依家都處理緊架喇﹐處理到下一隻碟應該會出現返架﹐咁呀...大家到時識做啦(即係買碟)【笑】好..但係點解你地覺得咁好聽架呢呢首?點解呢?有無人可以答到我呢?一百蚊問題(笑)【嘩...】哈哈...點解呢?即係....下...咩話?【現場有人答緊】因為我就鍾意呢首...因為我唱所以就鍾意?哦...」
Pius:「咁藍奕邦唱返首粵曲黎聽下」
【大爆笑~~】
邦唱: 一呀葉 輕舟去 一隔萬重山 鳥南飛 鳥南返... ...
Pius:「哈哈...有功架﹐做埋手添喎」
邦繼續: 比翼何日再歸還 ....
【拍晒手+叫囂~~~】
(邦大笑)
Pius:「家英哥之後到你喇應該」【笑】
邦:「(笑)我諗今年東華可以派我上去同阿姐一齊...」
(邦+Pius一齊哼東華前奏...| |||)
【全場V嘩鬼叫~】
邦:「好喇﹐<<火機>>﹐呀﹐唔係﹐係<<火柴>>(笑)﹐係﹐火柴後都有火機架呵?」
Pius:「咩key?」
邦:「A」
第十七首歌﹕<<火柴>>(出道前作品﹐未正式發表)
邦﹕「多謝!」「唉...唔爭在喇﹐唱埋<<火機>>~【拍手】嘩...我N咁耐無唱過呢首歌﹐睇下記唔記得先」「(望住Pius)你聽過<<火機>>未呀?」
Pius:「未喎真係~~」
【爆笑】
邦﹕「(笑)兩首都命運坎坷架﹐兩首都比人要左但係又唔知消失左去邊﹐哈~」
Pius:「燒左喇﹐你以後唔好寫個火字啦【笑】你係咪屬水架?」
邦:「我唔知喎﹐我係聽聞呢﹐即係我同水...有水既野呢係會利我既。所以我第一個MV呢...【熱帶魚﹐哈哈~~】哈﹐係囉﹐有...」
Pius:「咁點解你唔參加奧運果個...落水果個...哈哈 (PS﹕指早前TVB個水上節目)」
邦:「(笑)下...因為公司保持我個形象﹐佢地...佢地費事我著住條...下身三角褲咁走黎走去...」
【現場﹕Wow～～～】
Pius:「你地想唔想睇佢著三角褲呀?」
【想!!!!!!!!!!!!!!!!!!!】
邦﹕「(無奈+大笑)哈哈...唔緊要﹐黎緊港台又有水運會喇﹐我好似又要去既﹐哈...咁到時你見到我著...哈...」
Pius:「wow...哈...」
邦:「徐偉賢都會著三角褲﹐哈~」
(PS﹕及後阿邦臨時無出席水運會)
第十八首歌﹕<<火機>>
邦唱:你說你決定移情....
邦﹕「(對住Pius)喂﹐我黎啦﹐你都唔識...」
【全場爆笑】
(邦奸笑)
(隔五秒)邦﹕「(細路仔聲)我大個仔喇﹐唔洗人幫﹐哈~(正經聲)彈左一晚都」
Pius:「唔...進步左好多」
(餘下Encore部份因為DV問題未能提供)
文章定位：
