小孖星日記 Be Happy...Be Myself

517愛的鼓勵 0訂閱站台

讀business既人中意睇business review, 因為由case study中我地得到領悟作為日後decision making既base,等如律師會搬案例出黎打官司一樣,最近聽到少少case,都out-take咗少少learning.......



case 1~

朋友既朋友(男朋友A)既女朋友聽聞係一個貪威識食,貪戀名牌既女仔,要食好著好,出街食飯以人頭計,每位唔可以低於一百蚊(聽落真係好好笑),據聞男朋友為咗提供好好既膳食同名牌用品比個女朋友,而去捱更抵夜兼職. 但佢仍表現出對自己既女朋友一心一意,人前人後都覺得得自己個女朋友係最正最好既......無論身邊人覺得個女既點對男朋友A唔好,個男仔仍舊覺得佢身邊擁有既已經係天下無雙.

um...
雖然經常提示人唔好去計較,總覺得兩個人係埋一齊,一定有其中一方較愛對方,較願意默默付出.呢個幸福既女仔,佢得到幸福只係因為佢好彩地遇到一個肯付出而不計收穫既人,無論佢好與壞,無論旁人既批判,都被肯定成為男朋友A既”BEST OF THE BEST”....幸福....有時係因為身邊有一個人比較唔計較失去自己既幸福而體貼自己,兩個人一齊,好難平衡地付出及收成,幸福與否只在乎你有無遇岩到一個人,肯為你放低少少自己既幸福,放低自己既尺子,唔計較收穫地去寵你....有幸遇到呢一位,你就會成為世界上最幸福既人,因為有人無條件為你.

case 2~

男朋友B同女友拍拖近七年,正準備談婚論嫁,依舊係老生常談既問題出現,個男仔係段穩定既關係中,有時想”散散心”,對身邊出現路過既女仔口花花,除咗佢女朋友外,同其他身邊既女性朋友相處得非常融洽,好多女仔朋友都比男朋友B善待過,唯獨是佢忽略咗身邊最親密既一個,無比到信心同肯定佢...過咗一段時間,大家中間開始出現裂痕,裂縫一日一日擴大,到咗無法修補時,女仔身邊正好出現咗一個誘惑..最後佢地分開咗.....分開一周年紀念日,大家既身邊都出現過唔少機遇,然而個男仔心裡面最掛心既仍然係呢個女仔....因為佢覺得始終係呢個已成過去已經變為陌路人既女仔,先最值得佢付出同令佢最安心,只可惜好多嘢已經變咗質,想追亦追唔到已經失去咗既時間同人.

或者我地都曾經試過忽視人地既用心,當相處耐咗我地會開始忽略,因為已經穏定咗,所以我地好多時唔上心,唔會讚美另一半,唔會主動付出關心,因為太安心,以為好多嘢已經十拿九穏,所以對住身邊果個只係例行公事,有時甚至因為太舒服而變得相對無言,唔會特別去分享生活上既大小.久而久之,大家越行越遠,到想行近番去拉近番大家既距離時,已經發現佢已經行得太遠而捕捉唔到.

睇完以上既cases,可能係我諗大咗,但有個問號...點先可以開開心心同平衡地得到”永久”?

但假設每個人都係有今生無來世,我地更加要好好珍惜自己,行一條令至少自己會開心既路!