哈哈!!!
隔o左幾日...都唔係好幾得清楚在韓國的旅程tim...
第一天 29/6/2007
亞爸生日,不過都係要離開澳門,所以前一天一家去了小肥羊吃晚餐,
大概6點到去到港澳碼頭,等了一陣...竟然發覺帶漏了澳門手信,
於是叫亞媽車袋手信過來..!!!拿了手信,再等一陣...將行李寄倉,
然後上船,應該大概8點la!!45分鐘就到達香港機場,然後吃了一碗味千拉麵,
明明叫南瓜拉麵,點知俾o左另一個我...再叫了一枝大雪碧~~
然後唔係記得好清楚...上機的確實時間...
第二天 30/6/2007 (以下是韓國時間GMT+9,快澳門一個鐘)
在飛機上等待升空,想睏又睏唔到...最後做自己野,等到下機,
好野,到達仁川機場,好似大約凌晨4點,第一件事要做就係買水,然後發覺得南韓d野的價格真係同澳門唔同,
但都要飲水,冇散紙,然後叫碧碧買住先,三枝水,一枝佢,一枝牧師,一枝我,
最後碧碧俾o左兩枝水既錢,那時,碧碧問,”你”果枝呢...我然後答佢..你問自己夾住係隻手到lor...最後要排隊買到,不過再排都幾費時,所以算la...唔買la,
兩枝水就俾o左牧師同碧碧,之後係機場裡面影下相,又同了一位蒙古人影相(都是參與CM2007的),之後發覺機場有水機,d水都幾凍,於是拿住水壺去入水,不用錢lu,哈哈!!之後又坐埋一邊靈修...等到旅遊巴(5點到la)來車我們去釡山既酒店!!
不過車程都頗長,好似要8個鐘...我最怕坐長途車,於是問人拿一粒暈浪丸來食,
整程車停了三次,都出去逛逛,買野食,食中午飯,又在車上睏一陣,又打一陣機,
最後好似下午2點幾到達酒店,再等上房放行李,然後牧師,康哥和我與新北和台山堂的弟兄一同出外逛逛,看看有沒有便利店,食肆,(D transportation 既volunteer 好有禮貌), 大約下午4點半回酒店,與大隊一同出發去會場,
一去到會場就見到d台灣兄姊!開晚飯lu..都幾早食飯...5點幾..不同跟之後大部的膳食都是辣的,不過第一餐不算太辣..不過有兩餐有M記巨無霸食.一開始聚會,會有些表演,又有d小遊戲去後此認識,(不過認識後都唔記得o左識過邊個)然後有敬拜前的領詩,好似落o左Disco,好唔慣,要企10幾20分鐘,d人唱到跳起,可能係文化的差異...完哂聚會大概9點幾la...回酒店...準備睏覺...新北堂弟兄真好,自願6點幾起身攞早餐,都要成個旅程都係咁...真係有d唔好意思!!!好,睏覺!!!
第三天 1/7/2007
起床,吃完早餐,8點幾出發去會場,有兩個訓練既course, 上完後, 就是輕鬆的下午, 之前果日我都拿了一份brochure做了少少搜集, 下午就係去109 (車站編號,好似係109), 不過,唔識買票,只係得韓文解釋,最後求其la,就咁買la (因為之前去會場既時間係唔需要買票坐地鐵的), 車廂內Tammy同雲姐姐佢地遇到d韓國就溝通下,最後佢地都介紹我們去110買野(其實個plan都係諗住由109行到110),車程中是需要轉車的,好彩我們都識!!到達後,發覺原來我們買錯票,等了幾分鐘才有職員來幫助我們,佢都識講英文,最後我們每個補番200won 就得la(最後都好似明白要點樣買票)因為果日落雨,我就買o左一把縮骨傘,3000won, 出到去就咁行o左一條街,又買街邊野食,買了少少精品, 又去超市買了很多手信,用了好似2萬幾won,好重好大袋,最後要問路行番去subway, 果個AUNT都好好人,問完後,雖然溝通上有問題,但係佢就親自帶我們去subway!!最後回去,吃完,沖涼,刷牙,睏覺.....果日我冇咩點辣野,因野隻生o左粒瘡,又痛又大,去韓國前買的眼藥水始終冇用...之後Amanda姐姐俾o左一枝佢冇開過既,又是醫生開的眼藥膏我搽,幾日後就冇事lu,
始終都係眼膏最有效!!
第四天 2/7/2007
朝早可以選擇唔跟大隊,所以我地決定自己行,又可以睏耐少少,再去110,在一間店鋪又用了一大筆錢,講價失敗!!臨走時,老板送了一個飛吻俾牧師...超搞笑...正式開始CM2007,之前原來好似係韓國其他地方的人未入來,所以人數好似係得5000幾人,現在不是了,差不多兩萬人...,走果陣...仲落唔到subway,最後到附近的酒店,叫d receptionist幫我地call taxi...服務態度真係好...最後回去...搞掂哂d野,睏覺!!!
第五天 3/7/2007
下午有兩個courses,其餘都是聽道,見証,表演等 !!!
第六天 4/7/2007
下就有個好似嘉年華會既野,這一天又是下雨天,停了一陣,在嘉年華會期間又下了,開頭我地諗住逛一陣就走,去203(書店)或110(商場),不過發覺嘉年華會都玩得幾開心,於是繼續玩,哈哈~~又去了一個booth幫人譯韓文名,又去買刨冰等booth,賣刨冰的人仲讚我....哈哈!秘密!不過聽完就算la!!!又有一個booth玩扔野...扔了一陣,仲”擔”住把傘扔...玩完真係好累,入大會book store rest 下,睏了一小時間,就同牧師去對面超市看看,發覺冇乜野好買,但突然有一處有幾個人,行去看看,原來lotte雪條,買十枝只需3300won,咁抵,當然買番去la一齊分享la...其中我們還被大會影了一張相,在聚會中有份出鏡...哈哈哈!!!這晚好似去o左酒店附近的超市,逛逛街,牧師買了一套鼓俾迪敏,9900won,都幾抵,然後我又買魚生,以為冇得俾人切,諗住自己帶番房切,發覺,好難切,最後好似得番3分2係可以食咁...浪費哂tim...之後新北弟兄原來都買o左,不過原來可以搵手切埋的... -_-, 然後執定行李!!準備離開
第七天 (最後一天聚會) 5/7/2007
最後一天,哈哈!!都係聽道,見証表演,在晚上還有呼召既時間,原來在坐係有好多未信主的韓國人參與(應該只是韓國人),有好多人都決志信主,然後有領聖餐和奉獻..一齊聚會完了,最後是一個表演的時間,有跆拳道,這場表演真的超吸引,個人覺得係咁多個表演中最精采的...然後我和Amanda,Tammy,雲姐鉏留低看多陣,其餘的都回酒店,我們都是過多大半個鐘就走了,聚會其實未完既...不過唔好搞到咁夜,所以就走,我們欣賞的表演中還有蒙古人的口技和好似係New York的歌唱表演,好正,因為唱歌果陣好多人都亮起手機螢幕~~場景好靚,之後有break 的領詩,和平時聚會一樣的,不過今次有多個好大個既波波被扔起,很想拿一個走,不過拿唔到,Amanda就攞o左一個俾牧師!!!..
第八天 (回澳的行程上) 6/7/2007
回程lu,俾平時遲少少起身la, 9點幾10點幾上車,諗住係同番澳門兄姊一齊坐車,點知,下沙兄姊就同一班烏克蘭兄姊同車...oh!!!算la,之又係食完暈浪丸,
在車上我大部份時間都係睏教,小部分時間睇埋睇o左好耐都未睇完既屬靈書藉,
在車上又看到d搞笑片段,哈哈,係咩!!不便透露!!嘻嘻!!有段時間就係要落車rest下,買了一個青蘋果雪糕食,好好食ga,又買o左一碗potato,都好好食,下午2點到去了一個地方一齊吃一餐飯,就只是一碗用牛骨煲成的湯,配一碗白飯,不過咁多餐,這餐都算唔錯!!大半個鐘就再上車,繼續去機場,時間好趕呀,都唔知會唔會遲到,因為搭晚上8點,不過好彩,大約7點就到機場,上機,到香港機會,落機時好似香港時間11點幾到la...
第九天 (回澳的行程下) 7/7/2007
我地今天要坐巴士到信德中心搭船,點知租o左的巴士遲來,最後好彩能夠再搭2點船,又要食定暈浪丸,因為在船上打機驚會暈,哈哈!3點到港澳碼頭,然後和一位台山堂既弟兄坐的士返屋企!!!
整個旅程都感謝主,有平安,有喜樂,有健康,有得著!
可惜聚會時有時都會...開頭諗住聽下英文去聚會la,後來發覺聽英文係會好快唔記得聽過d咩,之後就用手機接收FM的中文翻譯!!
原來劉牧師,余傳道都幾搞笑,哈哈,尤其劉牧師在第六天的晚上大談與蒙古人同房的經歷...煎蛋事件..haha!!!!!
今次旅程,讓我看到,祈禱真的很重要,韓國人的祈禱,後我的觀察中,是很用心的,這種態度我一定要學會,要相信神!!
文章定位：
