今晚上左塔羅, 學埋第3個牌陣, 一個可以睇多好多野既牌陣。我地每個同學仔都輪流read同問, 再聽下miss的意見。到我問個陣, 我選擇左去問我心中最大既結,每個同學仔既睇法都好相似, 不過大家都係幼稚園程度, 所以都唔係隻隻read到~~直到miss幫我read個陣, 真係唔到我唔信呀, 一d佢唔知既野佢都可以睇到出o黎, 個心當時係突然諗到一句: 唔係呀嘛, 咁都知??
我一直都冇神化塔羅呢樣野, 只係當佢係一個fd咁, 透過佢去俾一d意見/啟示我~ 但係我冇諗過read出o黎既野會同現實咁似, 一d predict既野我唔敢講準唔準, coz未發生既~但係擒晚miss read到一d過去發生左既事, 同發生緊野既, 真係嚇一嚇架, 點解會咁中既???我真係冇講過架喎
而係抽到既牌入面, 又再出現隻權杖8, 一隻我問親相關問題個陣都出現既牌, 但係我一直都只係read到佢既負面意思, 直到擒晚其他同學同miss都read到個正面既意思, 令我對呢隻牌有左一個新既睇法, 亦都幫我去鬆個結。成副牌78隻, 冇理由咁o岩架~~~miss話可能呢張牌不斷出現既原因係我一直未read佢俾我既msg呀~
miss仲話成副牌俾我既啟示係︰將會有d野發生, 或者已經發生緊, 係呢個過程入面我會學到好多新既課題, 幫我更加了解我自己, 係一個self discovery的過程., 幫自己去知道究竟我想要D咩, 所以我將會係呢件事入面學到好多野, 從而知道自己想點, 想要咩~係一個個人成長的機會。
而我既挑戰牌係戰士, 代表而家要面對既係一個做決定既時候, 叫我係做決定前要諗清楚, 但係冇論咩決定都一定令我學到好多野, 係一個好好認識自己既機會, 而且可能呢d野已經發生緊, 我亦都學習緊, 係冇得避架~其實呢件事真係困擾左我好耐, 係個過程入面我真係學到好多野, 更加了解自己, 亦變得堅強左, 明白到要自己企返起身, 學識左放過自己, 愛自己多一d, 去搵返以前個個仲有自己既自己。 雖然個學習過程未完, 我仲有好多野學, 但無論點, 我都已經做左決定, 我而家最需要就係勇氣, 要勇敢去面對自己的選擇~
10/3/03
文章定位：
