前晚, 華仔的演唱會終於結束, 想了兩天, 每次想落筆去寫出自己對華仔演唱會的感受時, 都不知從可入手… 因為… 對於華仔的演出, 付出, 以及他在演唱會中真情的流露, 我只可以用四個字去形容我的心情 ~ 百感交集!
你一定會覺得 : 比比, 你是超級華迷, 當然是當局者迷喇~
所以, 我不寫出我的感覺了… 我只想靠我的記憶, 靠andylau.com fans 的記憶, 節錄華仔在演唱會上曾經真心道出的心聲! 或者, 你會覺得, 呢d只係一個藝人應付群眾既台詞… 由我吧… 這便是中毒極深的比比~
『前晚超級六合彩開獎日子，華仔與工作人員夾份買了20注彩票，他在台上宣讀開彩結果前，他笑言﹕「如果中獎，明年免費做4場演唱會，到時大家行入紅館就有得睇﹗又或者有一張中獎，都分給大家。（台下觀眾喝采歡呼）你真係信﹗好! 我講得出做得到，到時你攞住今日張飛就有得分。」可惜最後他只中了一個數字，沒有橫財命的他唯有笑說﹕「只好拚命工作﹗」面對歌迷支持，他並未有因此而失望，「我瘦到得棚骨，但你們說﹕『唔係呀，好大隻呀﹗』我滿面皺紋，你們說﹕『唔係呀，好靚仔呀﹗』 我都唔明點解我做乜你們都支持我，如果我去解釋既, 呢咪叫做愛囉﹗有咁多愛，仲使乜中六合彩﹗」』
『前晚乒乓孖寶高禮澤、李靜欣賞偶像演出，華仔在台上說﹕「好希望大家支持香港運動員，不論有無得獎、有無金牌，好似李麗珊今年無獎，大家好似忘記她﹗每一個運動員都有付出努力，難道得不到金牌就不是運動員嗎﹖」他帶領觀眾向乒乓孖寶鼓掌說﹕「我不是好有錢，但如果你要贊助的話，就打電話給我啦﹗」 』
『每一次站在台上，我都會留意住每一個觀眾的眼神，如果是但一個人流露出不滿意的表情，我都會返去再練過，同自己講下一次要再做好。咁多年來，我唔會俾自己停低…』
『我開演唱會，又跳拉丁舞又搞50呎高空中舞台，搞咁多花臣，我o係度諗，一萬三千名觀眾當中，假設有八千人是死硬忠心fans，即使冇band，我站在台上齋唱都得，但還有五千人喎，他們未必是我歌迷，可能只是陪女朋友而來。所以我要想多d元素，希望總有一樣o野可以吸引到佢地，就算佢地唔鍾意劉德華，但睇完騷都或多或少會覺得：「咦！劉德華一樣都幾好睇喎！」今時今日，我仍然在意去吸納新的歌迷，但我不敢講自己在不在乎獎項，只因獎項已不是我的唯一選擇。正如我每一年都會收到生日禮物，冇理由我收了3年生日禮物，第4年就唔鍾意收。我繼續攞獎，唔係想去證明自己能力。每當我走上台攞任何一個獎o既時候，係因為我覺得自己經付出o左，而我攞獎，也絕不會心虛，這樣我便會自自然然滿足開心！』
『我係呢度，同咁多朋友，做了咁多o野，我呢種福氣，唔係任何一個藝人可以有，可能未必完全滿足在坐任何位置或朋友，但希望你地感受到每一秒我都為每一朋友付出，可能中間有忽略或到達不到你的心，希望你地諒解，好朋友係要互相諒解和支持，大家俾左好多空間去俾我進步，如果聽到你們叫我朋友，我隨時可以為你們再演出．』
無須多擔心中傷 無須多擔心掛上死相
人無須這樣 時時亦有不安的動向 望習以為常
無須多擔心愚人技倆 誰人亦可以唱 無用禮讓
隨緣唱 最理想 每首歌跟至愛分享
無須逼觀眾拍掌 無須逼觀眾景仰 無須逼觀眾無情情心癢
能搖動他的心窗 隨時可再次登場 要永遠發亮 求專心的唱
無須多追究報章 無須多追究方向
無須多追究如何能 怎麼可每次獲獎
不必動用心細意參詳 我太幸運 為你一生都可獻唱
獻唱用盡我力量 包起於我身上 Oh~
能為你在台中央 毫無顧忌去高聲唱
有你在 令我可輕鬆的 去唱
文章定位：
