下一站　大學 ============ 日記更新日誌 ============ XX/2/2005~XX/2/2004之日記 - (未命名) 下一站係大學。 The next station is University. Xia yi zhan shi da xue. 請於右邊方向按連結。 Please click the hyperlink on the right. Qing yu you bian fang xiang an lian jie. 如欲觀看以前的日記，請移至： If you want to read my previous diary, please go to: http://diary.showhappy.net/?id=177256

28愛的鼓勵 0訂閱站台

都係是"行"的標題呵...... 但無論如何, 都要講句 - 恭喜發財! 禮多人不怪嘛 :P

唔, 年初一, 都係去嗰兩個地方做例行公事...... 噢不, 是拜年......

一點幾出門口, 我哋先返東頭村(唔係九龍嗰邊嗰個, 係近元朗西鐵站附近嗰啲圍村)去叔婆屋企拜年.
搭670, 再轉輕鐵坐多一個站, 就落車. 當我哋打算由西鐵站過馬路到對面, 我驚見一個貌似秋姐嘅人, 亦聽到佢把聲, 不過佢嗰陣時無戴眼鏡. 基於某種原因, 我無再望多佢幾眼去confirm是秋姐與否...... (弊, 點解我會變成咁嘅?)之後見到佢同佢家人去追嗰架269B. 我就繼續一直走, 入圍村.
...... 係個菲傭開門, "恭喜發財!". 跟住喺度坐坐坐, 食食食, 吽吽吽, 同埋...... 練習剝紅瓜子(汗...)(好無用呀我......)
直至三點幾, 老豆睇完波(有線體育台), 就走了.

跟住媽先返屋企"收拾行裝", 我同老豆先去天水圍食啲嘢等佢...
再搭77去天端, 係呀, 去返學......
懷疑我哋坐緊嗰架77嘅司機好想快啲收工. 駛到去鄧佩瓊附近, 個司機問, "朗屏有冇落呀?", 無. 個司機直駛入天水圍. 但係嗰陣時架車係得三個乘客咁大把 =口= 相信個司機係個替工, 如果唔係嘅話佢無論如何都會入朗屏兜一轉. 剩咁多位, 想幫公司蝕本呀?! 另一方面, 架車仲有位, 個司機都應該要咁樣做, 唔應該飛站, 我覺得呢樣係做司機最基本嘅職業道德.
落車, 直踩去M記食(我X自X餐平時仲食唔夠呀......). 叫咗嗰個麥樂魚柳餐. 原來麥當勞真係可以refill奶茶...
媽都嚟到. 好, 上伯娘屋企, 瑞林樓.

"恭喜發財!", 都係好多人...... 喺四方枱上.
新年上伯娘屋企, 梗係有伯娘整的蘿蔔糕食 :)
食食食, 玩玩玩(玩手機......), 坐坐坐......
喔, 今次仲有相睇, 主要係Shirley姐同Ken哥結婚嘅相, 有六本...... 令我有最深刻印象嘅相, 係(應該係新郎去新娘屋企迎接佢嘅時候)新郎攞住張紙尿片, 上面放咗啲沾有黃色(似屎色 :P)調味醬嘅豬腸粉, 喺度食嘅相 XD 啲伴郎都要食, 不過係用筷子食 :P
遲啲, 伯娘仲有啲仔女要結婚, 呵.
...... 到差唔多六點, 又走人囉.

二零零四甲申年之年初一, 就這樣過去了.

吖仲有, 小弟聽日返大陸, 預計本月廿五號先返出嚟. 有特別事之後再補上......

再次祝各位心想事成, 萬事如意, 隨心所欲(<= 咪一樣 :P)!