今次打呢篇野又月記喇～
呢期都過得好充實，應該唔算浪費掛，
雖然大部份時間都係吃口渴玩樂～哈
首先９號行油尖旺銅鑼灣～～
１０號就返工～原先我應承左留尾，要成２點半先放工．．
點知就臨時ｃｕｔ晒～所以１０點半就收得工咯～
但因為個日知婷婷失戀，咁我地就成班同學仔放左工ｊｏｉｎ埋一齊去唱ｋ～
有我，婷，忠，洋，柏，ｓｔａｎｌｅｙ一齊唱．．
我同佢地唱到２點先走．．其實真係好夜喇．．
我真係未試過咁夜先返屋企．
個日返到屋企都３點半喇！！
同婷婷傾左好耐～知佢終於識諗我好開心～
希望佢會開開心心面對黎緊既日子啦，唔好執著喇～亦都唔好再咁任性喇～
過左去既野始終都唔可以返到轉頭～就算俾你返到轉頭都未必會好架～知嘛？
１１號行德福買禮物送俾ｃ＋
１２號去左唱ｋ～同ｃ＋慶祝生日，
之後唱完ｋ行左一陣街，ｊｏｉｎ埋阿文同洋＆柏一齊夜晚打邊爐～
好開心啊～一班人一齊行邊爐真係好耐冇都試過喇～
係度祝ｃ＋生日快樂～同ｈｉｍ開開心心長長久久～～幸福～
１３號返會展５：３０－９：３０～個電話冇啦啦壞左！
１４號訓到好晏丫～之後６點約左霞姐同芷去元綠食飯～好開心啊～
我真係好耐冇試過我地３人聚下啦～～勁開心～因為１３號芷生日．．
咁我地就１４號同佢算慶祝返啦～我同霞姐請返佢食飯～
其實我真係好想同ｄ朋友多ｄ聚下架！
特別係ｄ中學同學．．始終個感覺會開心好多～
芷～生日快樂丫～同男友要開心～唔好咁快生仔住丫～我未儲夠人情架．．哈！
１５號文收工之後同左我出旺角買電話～
文送俾我架～ｍ３０３～都幾靚咁啦～多謝老公！
１６號就行葵涌旺角．．諗住買叮噹電話貼～
文話貴唔值得買喎～所以我地行咁搵ｄ精品店睇下有冇邊間平～
佢全日係我耳邊不停話唔抵，，又話６０蚊可以買到包米食好多日～
其實我真係唔開心架．．我唔開心唔係因為佢話叫我唔買唔值．．
係我覺得佢真係好實際！樣樣都計到算住咁．．我唔鐘意我男朋友咁！
佢話唔抵咪唔買囉．．唔需要咁同我打譬喻架喎～我好難受架！
個日我唔開心．．但佢都唔明．．
我要我男朋友唔好咁現實，我仲好需要浪漫架！
１７號出左旺角換返個電話．．因為個電話成日都ｈａｎｄ機．．
１８號係沙田睇朱古力獎門人．．都唔好睇既！
１９號返工～１１：３０－３：３０
２０號返工～４：３０－７：３０
２１號係屋企吽～
２２號返工～９：００－１：００
２３號好開心啊！去迪士尼玩啊！同文啦，霞姐同阿偉去玩～
阿偉因為係入面做，所以可以帶３個朋友入去玩嘛～
我同霞姐８點３係大埔ｍ記食早餐～之後就搭小巴去美孚轉ｍｔｒ～
係荔景ｊｏｉｎ返阿文同偉就一齊搭迪士尼線去迪士尼喇！
好多人啊！！架車好迫．．不過我企門口位．．ｄ風景好靚呀！
之後入到去就係咁影相先～霞姐同偉好岩傾～咁我都好放心喇～
之後就去明日世界玩先．．好玩呀個過山車～正！好靚～不過唔夠激囉！
撞到魚同雪～一齊影相．．哈～ｙｅａｈ～
玩完就去左食野，，間美心中菜～好靚呀，．ｄ侍應好有禮貌！
ｄ野食就麻麻啦．．之後就去ａｄｖｅｎｔｕｒｅ ｌａｎｄ～
係樹屋影下相，之後坐船遊覽個果ｇａｍｅ好正啊～搞笑～
之後去埋幻想世界～同灰姑娘影相～玩機動遊戲咁啦～
仲同米妮影到相添呀！而睇獅子王慶典我就覺得好悶喇．．
同文差ｄ訓著～但睇３Ｄ個果就好正！
哈～見到雪魚佢地伸隻手係度摸．．我覺得好好笑！！
之後我同文食野．，，霞姐要買帽．．所以呢我地就分道揚鑣～
哈～俾多Ｄ時間佢地二人世界啦．．
到夜晚就係ＭＡＩＮ ＳＴＲＥＥＴ到買野．．
偉買野有８折．．哈～買完之後就睇煙花．．可惜兩位男仕同我霞姐分散左．．
如果唔係可以攬住男朋友睇就夠浪漫咯～～哈哈～
係迪士尼我撞到好多朋友，婷同華華啦，仲有Ｄ唔係好想見到既人咁啦～哈
玩完之後我地就４個搭巴士去紅磡轉火車～
係巴士到我唔舒服啊．．向文撒嬌．．去到火車站我嘔啊，，
之後等埋芷我地就搭火車走喇．．
返到大埔我又冇咩事喇．．不過係好肚餓咋．．
同芷霞姐係我屋企留下食甜品～傾下計咁就散ＬＵ～
總括黎講我玩得真係好開心啊～文仲特登買件米奇衫襯返我添～
２４號梗係係屋企抖下啦～
２５－２８號都係返工～
２９－３１就吽．．．．．．．
咁今個８月就係咁過去ｌｕ～～～～～～～～
文章定位：
