《史記》入面有個故仔,話阿劉邦見到出巡既秦始皇,就講左一句：
「大丈夫應當如此！」
依家2k4,新時代大丈夫既解釋已經變左做→偷食(?!)
呢排睇左一套非常正既vcd,就係「大丈夫」la~
當然,吸引我去睇既,梗係唔係封面個4條麻甩佬la,而係新雋既香港導演彭浩翔(我幫佢起左個花名「彭脹」)
有睇過「買凶拍人」既朋友都知,彭脹呢條友拍d野題材好鬼創新,風格明快,我睇好佢ga~
講番套戲,內容大概係講以曾志偉為首既四條麻甩佬趁住佢班老婆去泰國個14個鐘(半日多d-.-),走去大滾特滾,點知比d女人發現左,以阿miss MO(毛舜筠)以首既老婆團捉姦,過程超級抵死爆笑~
可能彭脹都係「無間」fan屎,佢o係套戲入面,刻意模仿「無間」情節,但係又比佢抄得入型入格,最正就係扮韓琛o係差館掃飯盒,不過對象唔係黃sir,而係「歡樂網吧」既上網輔導員;-))
值得一提既係梁家輝演既九叔,以梁生既卡士做配角,簡直係無得彈~~
而最正既就係佢用左一個新既角度去睇男人偷食,歪理得黎又好似好o岩咁,
好似曾志偉去滾既reason 係:
「唔 賭 唔 知 時 運 到, 唔 滾 唔 知 身 體 好」
陳小春既reason 仲頂癮:
「我係一個知識分子,所以我有責任去滾,因為去滾,我先有d罪惡感,返到屋企先
會對個老婆好d.......」(嘩!死未!)
如果你係女士,一定好鬼眼火爆,講到d佬去滾好似天公地道咁!!
咪住咪住,其實套戲既final message又好鬼玄,d佬去滾呃住老婆
以為自已好醒,其實老婆比佢地高一丈,只係為o左keep住段婚姻而忍耐....
唔明呀?
買隻碟睇o下la~
(p.s.最衰我又未滾過,如果唔係實有另一番體會XD)
文章定位：
