事緣1個SMS
"LKM-ers, for my last Happy Friday in student career, i invite you to have drink in Felix, and have a cheap dinner before it. tell me if interested"
咁舖張嘅咪係陳丞軒囉~ 我問做乜咁好興致, 佢就話阿胡家豪未去過想去吓!(同埋佢一間北京道1號嘅食肆都未去過, 又話要去!) 初時都唔想去, 同LKM人去Felix感覺怪怪地, Felix...等放埋工咩心情先算啦, 不過起碼cheap dinner我唔會出席, 咁我喺公司有free din冇理由唔free 要 cheap架嘛~同happy fri還happy fri, 我都唔想sat嘅workload咁重!(我真係識諗, 呵呵!) 陳丞軒係咁叫我去, 又話有小禮物俾我(唓, 我又唔信佢唔會送呀, 係我就係我架啦!)
放工之後, 就搭地鐵去TST. 沿途陳丞軒講咗樣好笑嘢我知, 話黎紫勇唔記得dressing code係casual smart得嚟唔著得短褲, 咁啱陳丞軒之前喺Freshjive度買咗條褲, 所以就借咗俾佢頂住.
上到去喺bar嗰邊見到3個男孩喺樓梯口, 唔...時間尚早, 冇得坐下面啲檯添, 諗住可以扱吓有冇明星(上次同friend嚟, show off cheung(張耀揚)喺正隔嚟檯, 型!) 今次王天成老師都嚟埋, 真係好似re-u咁. 我第一時間梗係睇吓黎紫勇條褲啦(唔係, 應該係陳丞軒條褲至真) 個傻仔又拉低條褲俾大家睇, 嘩, 褲中褲曾經係chevignon嘅經典, 哈哈!
咁又少不免講起其他LKM人嘅近況(或挖番以前啲屎出嚟講), 又話胡家豪份contract未完,陳然泰就落tender, overlap咗 (其實係關個client事); 黎紫勇用完carrie就俾陳丞軒, 我好記得黎紫勇女朋友gigi話佢地兩個係"襟兄弟", 跟住鄭麗婷就話其實我F.1嘅時候同黎紫勇有嘢, 所以佢用完又俾陳丞軒, 唔怪之得一條褲兩份著.
(係啦, 我啲仇家全部都係陳丞軒同我惹番嚟嘅, 最衰都係佢!)
提到費安娜公主真係同咗陳卓銘一齊, 王天成個樣...咁又真係好難令人相信嘅, 以前書騏幾好吖, 而家真係一面天堂, 一面地獄. 同埋阿鄧皓殷同咗個健身教練一齊, 係小學同學等等...(我咁耐都係喺第一城撞過佢一次咋~)
佢地班人又無端端話的神成日整喊Christine, 搞到的神個樣幾尷尬呀!
噏到咁上下, 咁大家就各自搭車. 我同陳丞軒同黎紫勇搭87D, 黎紫勇好想第二晚一齊去睇波. 我本身唔睇波嘅(乜都唔識), 但如果可以約出嚟一齊玩咁就最好啦!
*我嘅天使的禮物係"飛天大盜"PLAYMOBIL, 好酷呀~
文章定位：
