一部不能錯過既漫畫
故事係講‘術’ 199X年﹐世界被核既火焰所包圍,所有既生命體已陷入消亡既邊緣
但係人類卻冇絕種﹐然而核戰催毁哂所有文化﹐世界又再次陷入由暴力支配既混亂同恐怖時代
主角健次郎繼成北斗之拳﹐0係呢個混亂既大舞台﹐遇上唔同既人與事﹐慢慢咁踏上佢成為救世住既道路。。。
故事主體唔錯﹐但未免過份單純﹐只係黑同白﹐善惡分明﹐好人就係好人﹐壞人就係壞人
最可笑既係壞蛋卒仔雖然知道主角既超班實力但卻永遠鐘意撩興佢﹐以超致殺身之禍
但可能都係一個引人入性既地方
最有趣既係﹐主角健次郎同其他一般故事既好人主角有著一個天大既分別﹐就係對住壞人永遠去到最盡﹐絕對唔會有婦人之仁﹐好多時候更加會用番壞蛋欺凌弱者既同一手法﹐施予番0係果位壞蛋人兄到﹐一D都唔手軟﹐實在令讀者大快人心
絕對唔會好似0係其他漫畫既主角留手而令自己由優勢陷番入困境﹐令讀者超不快
我自己就本身比較鐘意睇拳王篇﹐因為角色多D﹐唔使咁寡﹐同埋多D唔識死既卒仔壞人走去撩鳩主角﹐之後俾佢虐殺
經典對白亦係其中一個引人入勝之處﹐多到不能盡錄
比較有引象既係有一幕﹐壞人問主角叫咩名﹐之後健次郎話﹕對著已死的人是沒有需要報上名字的
句野講完﹐條友即爆
最鐘意既招式係‘北斗殘悔拳’ ﹐將雙手既手指公插入708 穴之中稱為頭維既穴道﹐之後主角就會講﹕拔出手指之後7秒你就會死﹐在這7秒內好好懺悔自己所犯的罪孽
之後蚊番隻手出黎﹐鏡頭 PAN 落果條蛋散到﹐影住佢果個驚煌失醋又難以接受自己將要死既樣﹐慢慢0係度倒後行﹐喃喃自語咁講冇可能﹐痴撚線之類既說話﹐之後條友又爆﹐真係睇到拍手掌
最鐘意既角色都係主角健次郎﹐佢對住壞人所擁有既恨﹐勁﹐絕﹐串﹐型﹐實蜀我所睇過所有既漫畫主角之冠
基於我鐘情於呢部漫畫﹐所以佢絕對係我發白日夢既理想提材
以下係其中一晚既內容﹕
當董健華正0係到做緊佢果D白痴演講果時﹐我衝上台﹐然後有下烈一連串既對白
我﹕你知道嗎﹖你令我體內的血沸騰
董健華﹕你是誰﹐從那裹來的
我﹕遙遠的北方
董健華﹕來幹甚麼
主角﹕將死亡帶給你
然後送上‘百裂拳’ ﹐0係佢肥笨既身上連環打出百鳩幾拳
我﹕在北斗神拳面前﹐你自是一團肥豬肉
對白一完﹐即爆
p.s: 好似日本將會有新既動畫推出﹐仲會由萬人迷GACKT 配音﹐底沉既聲線可以話同健之郎絕配﹐熱切期待
圖: 睇完漫畫﹐我仲專登買埋成SET DVD睇﹐成7百蚊呀﹐不過都係漫晝比較傳神﹐同埋節奏明快﹐免去日本CARTOON 既通病- 當主角諗緊野既時候﹐俾個大頭SHOT 你睇成幾廿秒甚至成分鐘。。。。
文章定位：
