呢個世界，有好多嘢都係假嘅。
真嘅，你又未必有機會見到。
------〈十分愛〉
點解，
唔係又要話係，
係，又唔敢認係。
我覺得呢出戯好恐怖，又或者講，好正。
因爲我中意睇d好surprise嘅結局。
到你以爲阿寳認錯就咩事都無之後，
個天會好無情咁話你知其實大力都係度講緊大話。
或者阿寳會幸福過我哋做觀衆嘅，
因爲佢無咁好彩知道真相。
但係個main point係，
無人可以估計，到阿寳知道真相之後，
佢會有幾痛。
如果呢個時候，佢發現原來當年係東莞，張醫生拖住嘅，根本唔係佢女友，
更加無人可以估計，
佢會覺得幾pity。
一場戯，可以超越生活，
但係一場戯，講緊嘅未必就唔係生活。
我唔中意兜圈。
係就係，唔係就唔係。
perhaps大力同阿寳講大話，阿寳同晴晴講大話，甚至小武同晴晴講大話，
都係對對方嘅一種保護。
最後留低嘅居然係眼淚……
所以我唔中意兜圈。
我相信時間會解決一切，
幾worse嘅事情都好，我會唸辦法解決。
我唔會對事實無動於衷，亦唔中意被蒙在鼓裏。
因爲就咁樣兜圈，
根本唔知道要兜幾耐，miss幾多嘢。
msn有個friend，唔知算唔算得上friend嘅friend，
佢特登係加拿大飛返香港挽回佢女朋友。
佢聼日又要飛走，with so much disappointment.
佢話唔中意小朋友，因爲佢哋好noisy，我話but they are lovely.
同樣嘅事，唔同嘅角度，所帶嚟嘅嘢就會好唔同。
所以中意知道真相，就算唔係你所expect嘅都好。
任何嘢……好與坏，都係屬於你自己嘅，own experience.
所以哪怕真相有幾恐怖，我都唔中意兜圈。
阿寳話，佢一直以爲愛情係你呃我、我呃你嘅遊戲，原來係錯嘅。
阿寳或者有50只手指都數唔曬佢到底有幾多個xbf。
但係我一只手都有凸好多。
唔識得處理感情問題，係就係，唔係就唔係。
雖然文灝話我係愛情顧問，
雖然我幫過好多人表達自己嘅愛意。
但原來儅面對自己嘅感情，一樣唔知點做。
可以呃，可以扮，可以哭，可以賴皮，
不過我選擇做返自己。
只要肯交個心出嚟，再兜幾個圈一樣會遇到你想要嘅人。
兜圈，又似乎係真誠嘅體現。
晴晴話，到小武走咗，先令到佢更加珍惜身邊嘅一切。
我唸起大雄。
我前日online見到佢女朋友，我話我對唔住大雄，
佢居然同我講，唔緊要啦，大雄咁錫你。
突然之間我覺得自己好似一個傻瓜，
原來會關心你嘅人一直會係背後注視你，而你會匆忙咁樣忽略佢。
原來儅你發現搵唔到人傾訴嘅時候，
訓係病床嘅佢會笑得開心過你去令你開心。
但係到你明白，佢已經唔係度。
My dear friend，一個月多了，你還好嗎？會聽到我像小丑一樣的道歉？
有句嘢話，幸福唔係必然嘅。
所以大雄離開，令本來就樂於珍惜嘅我更加懂得珍惜。
珍惜所有愛自己嘅人同自己愛嘅人。
我曾經話過俾一個人知，
我話我唔知道佢算唔算係100分，但係遇到佢，
一定係人生中100分嘅事件。
希望兜咗咁耐圈之後，可以休息。
所有對美術有興趣，或者身邊有人對美術有興趣的朋友，可以聯係我。
文章定位：
