2磅蛋糕with a nice smile (８月４日)＠〃糸勺。掦帆～

2006-08-12 14:18:57| 人氣17| 回應1 | 上一篇 | 下一篇

2磅蛋糕with a nice smile (８月４日)

推薦 0 收藏 0 轉貼0 訂閱站台

哈哈~昨日同阿南,阿廷舊IVE同學慶祝生日，勁開心，果日有阿浩南，tess．阿ken，誠俊哥，重有阿廷三個Fd一齊食，我地食得幾貴下，請埋佢地兩個主人家食火煱自助餐，加因應為阿南而設的二磅蛋糕,計埋計埋都食左成78蚊@@, 但果日真係食得好開心和食到好鬼飽。

笑到我死，果日因為阿浩南話自己好大食，叫幾多佢都可以食曬，我地叫左兩個湯底：皮蛋，同沙爹。皮蛋果邊就我，阿ken，tess，誠俊哥，阿南食多(我地坐埋同一邊)另一邊就係其他人啦，誠俊哥主要係落餸多，阿廷遲來，因為佢係石離迷失左，要阿浩南帶佢黎，一黎到就係咁鬧交，無變過。之後餸菜來了，誠俊哥按比例咁落，大約係１：３到啦，我話咁唔得嫁，要１：９９就差唔多，浩南咁大食XD最後到尾段時，沙爹湯底果煲變成沙爹醬，放咩死咩XD。

浩南食果煲野果Ｄ蝦時，一夾上黎，個蝦頭自己掉左落黎，Ｏ囇嘴，食果隻蝦時，佢話裏面係乾得來化的，好似食緊蝦乾咁。咁就開始左好搞笑既鬧戰，大家係到頼來頼去，又話誠俊哥做完野唔負責任，插Ｄ蝦黎去，又唔蚊返出來食，又問邊個叫咁多，搞到食唔曬，果時tess十點中就走左，有ｄ野就頼左落tess到，有人話佢講話阿浩南好食得，之後叫左好多豬皮無人食= =”，有人叫豬紅，之後食左又話唔好味，搞到ｄ豬紅浮起曬，我唔鍾意食豬紅，叫佢唔好落落皮蛋果邊，之後另一邊人又話沙爹果邊清唔曬，唔好落落沙爹果邊…….。最後我嬴左，落左沙爹果邊XD，笑死我！

太多好笑野講唔曬，最後果煲野清完之後，重要勤埋個蛋糕…….飽到死左，源途行回葵芳地鐵站，同阿南傾計發現佢原來增緊肥，己經肥左十磅～勁呀！

我要檢舉

台長：旅行者

您可能對以下文章有興趣

不能否定的事實

校園團契

生日

感觸＆最愛金句

人氣(17) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(1)