4月29日 (星期二)
恆恆話無心機做野喇~其實都唔知係佢問題定係份工既問題..不過我知道佢有的起心肝去試既..既然唔得..咪早d轉囉~拖拖拉拉咪盞side自己時間!! 唔知點解..我總係覺得恆恆其實唔係咁鍾意/適合做sales~佢應該做果d諗下計仔..度下marketing strategies..攪下events做promotions果d~ 哈..不過呢d都係我個人諗法~我諗佢自己會最清楚想做咩既~!!!
尋日其實有d唔開心..俾人話我又蠢又傻又乜又物咁!! 我唔係蠢..咁我真係唔覺得邊個俾筆手術費係咁重要既事嘛~ 我梗係想好似隔離床果個阿太咁..有男人拎一大疊銀紙出黎數..幫佢俾啦~ 咁有時唔係樣樣野都要人有我有架嘛~ 可能個男人係有錢呀..但係幫好多唔同既女人找數呢~~~~ 恆恆都唔係無意思想俾..只係我覺得要佢俾好似唔知點咁..有種"佢俾錢我落左個仔"既感覺~ 我好唔鍾意!! 同埋兩個人拍拖..邊計得咁多喎~ 呢樣野我俾左..佢俾返第二d咪一樣~ 我知~~好多人都覺得我仲同男友玩AA制好蝕底..一個男人..如果連拍拖既時候都唔可以照顧到我..仲講咩結婚!! 好多野我都明..但係我同恆恆開始既時候..大家都係讀梗書..AA好正常唧~ 而且果時我有parttime..佢無嘛~ 唔通要佢同屋企拎多d零用黎同我拍拖咩~~ 咁自果時開始已經係咁..一路就習慣係咁了!! 講真..而家都唔算行梗AA制既..應該係AB制啦~ 好多時都係佢俾大份D..!! 記得曾幾何時..我有提出過以後佢幫我俾埋d洗費..但我會mark返低d數..實質佢幫我俾果part..我會幫佢儲起~ 但係佢唔鍾意..我都無計~!! 雖然唔知佢自己有無儲下錢..但總係有個心態"如果佢下下都要俾埋我果份..咪無咁多錢淨..咪無咁多錢儲..咁我咪要等耐d佢先儲夠錢同我結婚囉!!" 雖然呢個係一個我單方面而又好傻既諗法~ 但...我真係有咁諗喎!! >.< 其實..對住鍾意既人.."傻"唔係正常架咩?! 好多好白痴既一面..其他人唔會見到..只有另一半見到..唔係常見既事咩?!
我份人查實都幾眼淺..好容易就會有d不受控制既淚珠滾出黎!! 但係每次見到恆恆就會好開心!! 如事者..尋晚都係~ 轉個頭..恆恆黎左企敦同我去沙嗲王食飯..我又係一副蓮子蓉咁既面口~ 哈..其實...................我不嬲都無否認我係傻的 ^.^
文章定位：
人氣(19) | 回應(0)| 推薦 (
0)| 收藏 (
0)|
轉寄
全站分類:
不分類
