24h購物| | PChome| 登入
2004-01-09 16:17:31| 人氣54| 回應0 | 上一篇 | 下一篇

5/1/2004 (星期一) 「孔融讓梨，西門讓床」

推薦 0 收藏 0 轉貼0 訂閱站台

　　朝早，老井係返學前，先返o黎放低Ｄ野，重嘈醒埋我。

　　之後，勒哥同老井都去左上堂（中大較為早開學），剩係得我係間房，可以為所欲為（拎左勒哥Ｄ野食），不過有Ｄ悶。

　　等左五、六個鐘，佢地終於落堂返o黎，先同我去食Tea（之前得自己一個，唔想去食Lunch），食食o下，小四都到左中大（佢幫勒哥整電腦）。

　　小四Ｄ電腦真係勁，用左少少時間，就已經搞返好勒哥部機，咁多熟朋友，以佢識得最多電腦。如果電腦有咩頭暈身興，無左小四好唔掂，小四是不可缺少（並非只關電腦事）。

　　佢地搞電腦同時，我去左另一個宿舍，搵另一個讀中大的朋友──阿翹，佢住o既係三人房（但比勒哥間房大一倍.....），宿舍亦靚好多，原來最近用左幾千萬裝修（唔怪得靚咁多.....）。

　　居然同佢一齊捉左鋪圍棋，係唔識鬥唔識之下，我險勝（不愧為浸大圍棋會宣傳.....）。

　　之後，佢帶我參觀左陣，我就走返勒哥度，Simon已經到左，佢話自己遊覽左一陣中大（其實遲左落車.....）。

　　小四要走先，結果得四個人去中菜廳食飯，中途勒哥講左個關於sms的笑話，好耐冇聽過咁好笑o既笑話（特別加上當時氣氛），我忍唔住會心微笑。

　　好想玩老井，懲一懲罰佢（佢成鬼日玩人），很可惜沒有。

　　接住，我跟Simon返科大。係科大，去埋小十宿舍搵小十（佢剪短晒頭髮），三條友一齊周圍行，佢地帶我找「賣雪糕機」，三個人一齊食雪糕。

　　最後，佢地帶我去睇朱經武（科大校長）住o既地方。

　　今晚，Simon同房係度，Simon讓左佢張床俾我訓（好唔話得），而佢自己就打地鋪，我地一齊聽收音機之餘，又一齊訓住傾計。去過幾個人宿舍，佢係第一個讓左鋪床俾我訓，寧舍訓得舒服（感謝）。

　　可惜佢聽日朝早要training，唔可以令佢咁遲訓。

我要檢舉
台長： 胡亂新聞長（傻仔）
人氣(54) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文